Just In
- 5 min ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
- 30 min ago தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
- 4 hrs ago அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- 5 hrs ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
Don't Miss!
- Movies விட்டா பத்திரிகையே வெச்சிடுவார்போல.. ரத்னம் படத்துக்காக ஹரி செஞ்சத பாருங்க.. அவருக்கா இந்த நிலைமை
- News ராஜ நடை போடும் காலம்.. சிங்கம் போல மாற போகும் சிம்மம்.. குரு பெயர்ச்சி பலன் என்ன தெரியுமா?
- Lifestyle கோடை காலத்தில் முட்டை சாப்பிடலாமா? கூடாதா? நிபுணர்கள் சொல்லுவது என்ன?
- Technology உங்க மொபைலில் கூகுள் பே, போன் பே, பேடிஎம் செயலிகள் இருக்கா? இதை கட்டாயம் தெரிஞ்சுக்கோங்க.. ஏன்?
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
முடிவை மாற்றுகிறதா ஜீப்? புதிய 7-இருக்கை எஸ்யூவிக்கு காம்பஸ் அல்லாத புதிய பெயர்?!
தற்போதைய காம்பஸ் எஸ்யூவி மாடலின் சில அம்சங்களை பெற்றுவந்தாலும், ஜீப்பின் புதிய 7-இருக்கை எஸ்யூவி கார் தனக்கென தனி அடையாளத்துடன் காம்பஸ் அல்லாத ஒரு பெயரில் அறிமுகமாகவுள்ளதாக தகவல்கள் கிடைத்துள்ளன. அவற்றை பற்றி இந்த செய்தியில் பார்ப்போம்.
ஜீப் நிறுவனத்தால் புதிய 7-இருக்கை எஸ்யூவி மாடல் காம்பஸின் அதே மோனோகோக் ப்ளாட்ஃபாரத்தை பயன்படுத்தி தயாரிக்கப்பட்டு வருகிறது. இருப்பினும் கூடுதல் பின் இருக்கை வரிசைக்காக காரின் நீளத்தை அதிகப்படுத்தும் வகையில் ப்ளாட்ஃபாரம் திருத்தியமைக்கப்பட்டுள்ளது.
காரின் நீளம் மட்டுமின்றி வீல்பேஸும் இந்த திருத்தியமைக்கப்பட்ட ப்ளாட்ஃபாரத்தால் அதிகரிக்கப்படவுள்ளது. இதன் காரணமாக உட்புறம் சற்று பெரியதாகும். குறிப்பாக இரண்டாவது இருக்கை பயணிகளுக்கு கால் வைக்க கூடுதல் இடம் கிடைக்கும்.
அதேநேரம் தொழிற்நுட்ப அம்சங்கள் ஜீப்பின் புதிய 7-இருக்கை எஸ்யூவியில் காம்பஸை காட்டிலும் சில படிகள் அப்டேட்டாகவே வழங்கப்படவுள்ளன. இதனால் விரைவில் இந்தியாவில் அறிமுகமாகவுள்ள காம்பஸ் ஃபேஸ்லிஃப்ட் காரில் வழங்கப்படும் வசதிகளை இந்த 7 இருக்கைகள் கொண்ட காரிலும் எதிர்பார்க்கலாம்.
காம்பஸ் ஃபேஸ்லிஃப்ட்டில் பெரிய தொடுத்திரை சிஸ்டம், பனோராமிக் சன்ரூஃப், 18 இன்ச்சில் சக்கரங்கள் மற்றும் க்ரூஸ் கண்ட்ரோல் உள்ளிட்டவை எதிர்பார்க்கப்படுகின்றன. புதிய 7-இருக்கை எஸ்யூவி காரின் தோற்றத்தை ஜீப் நிறுவனம் இதுவரை வெளியிடவில்லை.
நமக்கு தெரிந்தவரை இந்த புதிய காரின் முன்பக்கமும் காம்பஸ் ஃபேஸ்லிஃப்ட் காரைதான் பெரும்பான்மையாக ஒத்திருக்கும். இருப்பினும் இரண்டும் வேறுபடுவதற்காக சில காஸ்மெட்டிக் மாற்றங்கள் கொண்டுவரப்படும்.
புதிய 7-இருக்கை ஜீப் எஸ்யூவி காரின் பின்பக்கம் கூடுதல் இருக்கை வரிசையினால் காம்பஸ் மற்றும் அதன் ஃபேஸ்லிஃப்ட் வெர்சன் உடன் ஒப்பிடுகையில் முற்றிலும் வேறுப்பட்டதாக இருக்கும். இத்தகைய மாற்றங்களினால் இந்த புதிய எஸ்யூவி காரை புதிய பெயரில் கொண்டுவர ஜீப் திட்டமிட்டுவருவதாக தகவல்கள் கூறுகின்றன.
மற்றப்படி காம்பஸின் தற்போதைய 2.0 லிட்டர், 4-சிலிண்டர், மல்டிஜெட் டர்போ-டீசல் என்ஜினை தான் 7-இருக்கை எஸ்யூவியும் தொடரும் என தெரிகிறது. ஆனால் இந்த டர்போ டீசல் என்ஜின் 7-இருக்கை கார் மாடலுக்காக அதிகப்பட்சமாக 200எச்பி பவரை வெளிப்படுத்தும் வகையில் திருத்தியமைக்கப்படும் என ஏற்கனவே நமது தளத்தில் கூறியிருந்தோம்.
காம்பஸில் இந்த என்ஜின் அதிகப்பட்சமாக 173எச்பி பவரை வெளிப்படுத்தும் வகையில் வழங்கப்படுவது குறிப்பிடத்தக்கது. இந்த என்ஜின் உடன் புதிய 7-இருக்கை எஸ்யூவி காரில் 9-ஸ்பீடு டார்க் கன்வெர்டர் ஆட்டோமேட்டிக் கியர்பாக்ஸ் இணைக்கப்படவுள்ளதாக கூறப்படுகிறது.
எம்ஜி க்ளோஸ்டர், டொயோட்டா ஃபார்ச்சூனர் மற்றும் ஃபோர்டு எண்டேவியர் உள்ளிட்ட பெரிய லேடார்-ஆன்-ஃப்ரேம், 3-வரிசை எஸ்யூவிகளை நேரடியாக மோதும் வகையில் இந்த 7-இருக்கை எஸ்யூவியை ஜீப் நிறுவனம் நிலைநிறுத்தவுள்ளது. இந்தியாவில் இதன் அறிமுகம் 2021ஆம் ஆண்டின் இறுதியில் இருக்கலாம்.