எஸ்-க்ளாஸ் செடானை தொடர்ந்து மெர்சிடிஸின் புதிய மேபேக் எஸ்-க்ளாஸ்!! உலகளவில் பலத்த எதிர்பார்ப்பு

மெர்சிடிஸ்-மேபேக் எஸ்-க்ளாஸ் புதிய அல்ட்ரா லக்சரி வாகனமாக நாளை (நவம்பர் 19) பிற்பகல் 2 மணியளவில் உலகளவில் வெளியிடப்படவுள்ளது. ஜெர்மன் கார் தயாரிப்பு நிறுவனமான மெர்சிடிஸ் சமீபத்தில் தான் புதிய எஸ்-க்ளாஸை காட்சிப்படுத்தி இருந்தது.

அதனை தொடர்ந்து பணக்காரர்கள் விரும்பும் லக்சரி தோற்றத்தில் அப்டேட்களுடன் மேபேக் எஸ்-க்ளாஸ் கார் வரவுள்ளது. எஸ்-க்ளாஸை காட்டிலும் மேபேக் எஸ்-க்ளாஸ் 18 சென்டிமீட்டர் நீளம் அதிகமாக வீல்பேஸை கொண்டுள்ளதால் இந்த காரில் பின் இருக்கை பயணிகளுக்கு கால் வைப்பதற்கான இடம் கூடுதலாகவே இருக்கும்.

பிரத்யேகமான இருக்கைகள் மற்றும் சாகுஃபர் தொகுப்பு மெர்சிடிஸ்-பேமேக் எஸ்-க்ளாஸ் காரின் பின் இருக்கை பகுதியினை எளிதில் மாற்றியமைக்க கூடியதாக விளங்க வைக்கும் என தயாரிப்பு நிறுவனம் கூறுகிறது. முன் இருக்கைகளின் பின்புறங்களுக்கு வழங்கப்படவுள்ள இரு-டோன் பெயிண்ட் வேலைப்பாடு மற்றும் பெரிய வுட்டன் ட்ரிம் ஆனது கூடுதல் தேர்வாக, முழுக்க முழுக்க பேமேக் வசதியாக வழங்கப்படவுள்ளதாகவும் மெர்சிடிஸ் தெரிவித்துள்ளது.

மெர்சிடிஸ் நிறுவனத்தின் மேபேக் எஸ்-க்ளாஸ் போன்ற செடான் கார்கள் அருமையான பயணத்தை வழங்கக்கூடியவை. இதனால் தான் இந்த காரின் மூன்றாவது இருக்கை வரிசை வரையில் சென்று மெர்சிடிஸ் நிறுவனம் இருக்கை அமைப்புகளை திருத்தியமைத்துள்ளது.

இந்த மேபேக் செடான் காரின் இருக்கைகள் காலின் பின்பகுதிக்கு மஸாஜ் மற்றும் கழுத்து & தோள்பட்டை பகுதிகளுக்கு தேவையான சூட்டை வழங்கும் விதத்தில் வழங்கப்படவுள்ளது. இவை தவிர்த்து இந்த லக்சரி காரை பற்றிய இந்த விபரமும் தற்போதைக்கும் இல்லை. அதற்கு உலகளாவிய அறிமுகம் வரை காத்திருந்தே ஆக வேண்டும்.

இந்த மேபேக் கார் அதன் முந்தைய தலைமுறையை காட்டிலும் பல படிகள் முன்னேறி இருக்கும் என்று மெர்சிடிஸ் நிறுவனம் தெரிவித்துள்ளது. புதிய மேபேக் எஸ்-க்ளாஸ் காருக்கான எதிர்பார்ப்பு உலகளவிலான வாடிக்கையாளர்கள் மத்தியில் நாளுக்கு நாள் அதிகரித்து வருகிறது.