அடேங்கப்பா ஒரே அடியா இத்தனை ஆயிரங்கள் உயர போகுதே... இப்போவே வாங்கிடுங்க... இல்லனா ரொம்ப வருத்தப்படுவீங்க!

பிரபல கார் தயாரிப்பு நிறுவனமான நிஸான், மிக சமீபத்தில் மேக்னைட் எனும் புதுமுக காரை இந்தியாவில் விற்பனைக்குக் கொண்டு வந்தது. இது ஓர் 4 மீட்டர் எஸ்யூவி ரக காராகும். இக்காருக்கு அறிமுக விலையாக ரூ. 4.99 லட்சம் என நிர்ணயிக்கப்பட்டுள்ளது. இது ஆரம்ப நிலை மாடலின் எக்ஸ்-ஷோரூம் விலையாகும்.

மேலே குறிப்பிட்டதைப் போல் இது மேக்னைட் காரின் அறிமுகத்தை முன்னிட்டு வெளியிடப்பட்ட குறுகிய விலை மட்டுமே ஆகும். ஆகையால், வரும் 2021 ஜனவரி 1ம் தேதி இக்காரின் விலை லேசாக உயர்வு செய்யப்பட்டே விற்பனைச் செய்யப்படும் என நிஸான் நிறுவனம் முன்னதாக அறிவித்திருந்தது.

ஆனால், எவ்வளவு உயர்வு செய்யப்படும் என்ற தகவலை அது வெளியிடவில்லை. எனவே இணையத்தில் இந்த கார் ரூ. 1 லட்சம் என்ற புதிய விலையுயர்வுடன் வரும் ஜனவரி மாதத்தில் இருந்து விற்பனைக்குக் கிடைக்கும் என தகவல்கள் வெளியாகியுள்ளன. இந்த வதந்தியைத் தவிடு பொடியாக்கும் வகையில் நிஸான் நிறுவனம், புதிய மேக்னைட் காருக்கு எவ்வளவு விலையுயர்வை வழங்க இருக்கின்றது என்ற தகவலை வெளியிட்டுள்ளது.

இந்நிறுவனம், வருகின்ற ஜனவரி மாதம் முதல் நிஸான் மேக்னைட் காரை ரூ. 55 ஆயிரம் விலையுயர்வுடன் விற்பனைச் செய்ய இருக்கின்றது. அதாவது, வருகின்ற 31 டிசம்பர் 2020 வரை மட்டுமே மேக்னைட் கார் ரூ.4.99 லட்சம் என்ற ஆரம்ப விலையில் விற்பனைக்குக் கிடைக்கும்.

இதன் பின்னர் 1 ஜனவரி 2021 இல் இருந்து ரூ. 5.54 லட்சம் என்ற விலைக்கு மாறிவிடும். இதுவும் எக்ஸ்-ஷோரூம் விலை மட்டுமே ஆகும். விரைவில் இதுகுறித்த அதிகாரப்பூர்வ தகவலை நிஸான் விரைவில் வெளியிட இருக்கின்றது. நிறுவனம் சமீபத்தில் மேக்னைட்டுக்கான பராமரிப்பு திட்டங்களை அறிமுகப்படுத்தியது குறிப்பிடத்தகுந்தது.

நிஸான் மேக்னைட் கார் 1.0 லிட்டர் பெட்ரோல் எஞ்ஜினுடன் விற்பனைக்கு வந்துள்ளது. இது நேட்சுரல்லி அஸ்பயர்ட் மற்றும் டர்போசார்ஜட் திறன் கொண்ட எஞ்ஜின் ஆகும். இது 5 ஸ்பீடு மேனுவல் வேகக்கட்டுப்பாடு கருவி மற்றும் சிவிடி ஆகிய கியர்பாக்ஸ் தேர்விலும் இக்கார் விற்பனைக்குக் கிடைக்கின்றது.