Just In
- 1 hr ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 2 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 3 hrs ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 3 hrs ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
Don't Miss!
- Technology Dish TV டிடிஎச் சேவையில் திடீர் மாற்றம்.. ரூ.200-ஐ ரெடியா வச்சிக்கோங்க.. இனி எல்லாமே இந்த Smart Plus தான்!
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Lifestyle உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!
- News தமிழகத்தில் அதிக ஓட்டு பதிவான டாப் 10 தொகுதிகளில் 8 இடங்களில் பாஜக வேட்பாளர்கள் இல்லை - புதிய தகவல்
- Movies Gnanavel Raja: தயாரிப்பாளர் ஞானவேல் ராஜா வீட்டு பணிப்பெண் தற்கொலை முயற்சி.. என்ன காரணம்?
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
அக்டோபரில் அதிகளவில் விற்பனையான டாப்-10 கார்கள் இவைதான்!! ஆச்சிரியப்படுத்திய கியா சொனெட்
கடந்த 2020 அக்டோபர் மாதத்தில் அதிகளவில் விற்பனையான டாப்-10 கார்களின் பெயர்கள் விற்பனை எண்ணிக்கையுடன் வெளிவந்துள்ளன. அவற்றை இந்த செய்தியில் பார்ப்போம்.
இந்த லிஸ்ட்டின்படி பார்க்கும்போது, மாருதி சுஸுகியின் ஆதிக்கம் மீண்டும் தொடர்ந்துள்ளதை பார்க்க முடிகிறது. இந்த டாப்-10 கார்களில் இந்நிறுவனத்தின் 7 கார்கள் ஆக்கிரமித்துள்ளன.
குறிப்பாக மாருதியின் ஸ்விஃப்ட் ஹேட்ச்பேக் தொடர்ச்சியாக கடந்த மாதத்திலும் தனது முதலிடத்தை தக்க வைத்து கொண்டுள்ளது. இந்தியாவின் அதிக-விற்பனை கார் என்ற பட்டத்தை மீண்டும் சொந்தமாக்கியுள்ள ஸ்விஃப்ட் கடந்த மாதத்தில் மட்டும் 24,589 யூனிட்கள் விற்பனையாகியுள்ளது.
அதுவே, 2020 செப்டம்பர் மாதத்தில் மொத்தம் 22,643 ஸ்விஃப்ட் கார்கள் தான் இந்தியாவில் விற்பனையாகி இருந்தன. இதற்கு அடுத்து மாருதியின் பலேனோவும் தனது இரண்டாவது இடத்தை தக்க வைத்துகொண்டுள்ளது. மாருதியின் நெக்ஸா டீலர்ஷிப்கள் மூலமாக விற்பனை செய்யப்படுகின்ற பலேனோ 2020 அக்டோபரில் 21,971 யூனிட்கள் விற்பனை செய்யப்பட்டுள்ளது.
இதற்கு முந்தைய செப்டம்பர் மாதத்தில் 19,000-க்கும் சற்று அதிகமான பலேனோ கார்கள் விற்பனையாகி இருந்தன. மாருதியின் மற்றொரு தயாரிப்பான வேகன்ஆர் ஹேட்ச்பேக் இந்த வரிசையில் மூன்றாவது இடத்தை பிடித்துள்ளது. கடந்த மாதத்தில் 18,703 யூனிட்கள் விற்பனையாகியுள்ள இந்த ஹேட்ச்பேக் கார் செப்டம்பர் மாத விற்பனையுடன் ஒப்பிடும்போது ஆல்டோ காரை விற்பனையில் முந்தியுள்ளது.
இதனால் ஆல்டோ 17,850 என்ற விற்பனை எண்ணிக்கையுடன் நான்காவது இடத்திற்கு சறுக்கியுள்ளது. ஊரடங்குகளுக்கு முன்பு விற்பனையில் முதலிடத்தை பிடித்துவந்த மாருதியின் ஆரம்ப-நிலை காரான ஆல்டோவை கடந்த 2020 செப்டம்பரில் ஸ்விஃப்ட், பலேனோ கார்கள் விற்பனையில் முந்தி இருந்தன. இவற்றை தொடர்ந்து கடந்த அக்டோபர் மாதத்தில் வேகன்ஆரும் முந்தியுள்ளது.
ஐந்தாவது இடத்திலும் மாருதியின் தயாரிப்பாக டிசைர் காம்பெக்ட்-செடான் உள்ளது. 17,675 மாதிரிகளின் விற்பனையை சந்தையில் பதிவு செய்துள்ள டிசைரின் இந்த விற்பனை எண்ணிக்கை ஆல்டோவை காட்டிலும் வெறும் சில நூறுகள் மட்டுமே குறைவாகும்.
Rank | Model | October 2020 |
1 | Maruti Swift | 24,589 |
2 | Maruti Baleno | 21,971 |
3 | Maruti Wagon-R | 18,703 |
4 | Maruti Alto | 17,850 |
5 | Maruti Dzire | 17,675 |
6 | Hyundai Creta | 14,023 |
7 | Hyundai Grand i10 | 14,003 |
8 | Maruti Eeco | 13,309 |
9 | Maruti Brezza | 12,087 |
10 | Kia Sonet | 11,721 |
Table Source: Autopunditz.com
இதற்கு அடுத்த 6வது மற்றும் 7வது இடங்களில் ஹூண்டாய் மோட்டார்ஸின் க்ரெட்டா மற்றும் க்ராண்ட் ஐ10 கார்கள் உள்ளன. இதில் ஹூண்டாயின் மிட்-சைஸ் எஸ்யூவி காரான க்ரெட்டா இந்த ஆண்டு துவக்கத்தில் புதிய தலைமுறை அப்கிரேட்-ஐ ஏற்றிருந்தது. கடந்த மாதத்தில் 14,023 யூனிட்கள் விற்பனையாகி உள்ள க்ரெட்டா சிறந்த-விற்பனை எஸ்யூவி காராகவும் இந்திய சந்தையில் விளங்கி வருகிறது.
ஏழாவது இடத்தில் உள்ள க்ராண்ட் ஐ10 ஹேட்ச்பேக்கில் க்ராண்ட் மற்றும் நியோஸ் என இரு மாடல்கள் அடங்கியுள்ளன. இவை இரண்டும் சேர்ந்து மொத்தம் 14,003 என்ற விற்பனை எண்ணிக்கையை ஹூண்டாயின் ஐ10 ஹேட்ச்பேக் பிராண்டிற்கு பெற்று கொடுத்துள்ளன.
எட்டாவது மற்றும் ஒன்பதாவது இடங்களில் மீண்டும் மாருதி தயாரிப்புகளாக ஈக்கோ மற்றும் க்ரெட்டாவின் போட்டி காரான விட்டாரா பிரெஸ்ஸா உள்ளன. இவற்றின் கடந்த 2020 அக்டோபர் மாத விற்பனை எண்ணிக்கை முறையே 13,309 மற்றும் 12,087 ஆகும்.
இந்த லிஸ்ட்டில் கடைசி பத்தாவது இடத்தை அனைவரையும் ஆச்சிரியப்படுத்தும் விதமாக கியா மோட்டார்ஸின் சமீபத்திய அறிமுகமான சொனெட் காம்பெக்ட் எஸ்யூவி கார் பிடித்துள்ளது. கடந்த மாதத்தில் 11,721 சொனெட் கார்களை வாடிக்கையாளர்கள் வாங்கியுள்ளனர்.
மாருதி சுஸுகி ஸ்விஃப்ட் இந்த வரிசையில் மீண்டும் முதலிடத்தை பிடித்திருப்பது பெரிய அளவில் ஆச்சிரியப்படுத்தவில்லை என்றாலும், கியா சொனெட்டின் வருகை இந்த டாப்-10 லிஸ்ட்டை புத்துணர்ச்சியானதாக காட்டுகிறது. பண்டிகை காலம் நெருங்கி வருவதால் இந்த லிஸ்ட் எவ்வாறு எவ்வாறெல்லாம் மாற்றம் அடையவுள்ளதை என்பதை பொறுத்திருந்துதான் பார்க்க வேண்டும்.
-
இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
-
பிரம்மாண்டத்துக்கு மறுபெயர் இதுதான்!! ஏர் இந்தியாவில் இனி இப்படியொரு பிளைட்டில் போக முடியாது!
-
ராயல் என்பீல்டு, ஹோண்டா பைக்கை ஓட்டி ஓட்டி போரடிச்சு போச்சா.. இந்தியாவில் கால் தடம் பதிக்கிறது புதிய பிராண்டு!