கொஞ்சும் ஒசரமா தயாரிச்சுட்டாங்களாம்... இதுக்காக அவங்க செஞ்சிருக்க வேலைய பாருங்க... பாத்த மெர்சலாயிடுவீங்க!

உலக புகழ்பெற்ற வாகன தயாரிப்பு நிறுவனமான வால்வோ சொகுசு மற்றும் லக்சூரி வாகன தாயரிப்பில் பெயர்போன நிறுவனமாக இருக்கின்றது. இதற்கு மட்டுமின்றி மிகவும் பாதுகாப்பான வாகனங்களை தயாரிப்பதிலும் இந்நிறுவனம் சிறப்பான நிறுவனமாக செயல்பட்டு வருகின்றது. இது, கார் மட்டுமின்றி பேருந்து, டிரக், டிப்பர் லாரி மற்றும் இழுவை எந்திரங்கள் உள்ளிட்டவற்றையும் இது தயாரித்து வருகின்றது.

இம்மாதிரியான சூழ்நிலையில் வால்வோ நிறுவனத்தின் புதிய தயாரிப்பு டிரக் ஒன்று மிக அதிக கிரவுண்ட் கிளியரன்ஸ் உடன் உருவாகியிருப்பதாக தகவல்கள் வெளியாகியுள்ளன. இதனை உறுதிப்படுத்தும் வகையில் வால்வோ நிறுவனம் புதிய டிரக்குறித்த விளம்பர வீடியோவை வெளியிட்டிருக்கின்றது. இந்த விளம்பரம் மிகவும் விநோதமான விளம்பரமாக இருக்கின்றது.

அதாவது, புதிய டிரக் அதிக கிரவுண்ட் கிளியரன்ஸைக் கொண்டிருக்கின்றது என்பதை வெளிக்காட்டுவதற்காக ஓர் மனிதனை வெறும் தலை மட்டும் தெரிகின்ற வகையில் உடல் முழுவதையும் பூமியில் புதைத்துவிட்டு, அவரின் தலைக்கு மேலாக லாரி செல்லும் வகையில் காட்சியை உருவாக்கியிருக்கின்றது.

இந்த வீடியோ நமது ஹார்பீட்டை அதிகப்படுத்தும் வகையில் அமைந்திருந்தாலும் மிகுந்த விநோதமான விளம்பர வீடியோவாக இது இருக்கின்றது. இந்த வீடியோ எஃப்எம்எக்ஸ் சீரிஸ் டிரக்கைப் பற்றியதாகும். இதனையே 300 மிமீ கிரவுண்ட் கிளியரன்ஸ் உடன் வால்வோ உருவாக்கியிருக்கின்றது.

முன்னதாக 275 மிமீ கிரவுண்ட் கிளியரன்ஸ் உடன் மட்டுமே இது விற்பனைக்குக் கிடைத்து வந்தது குறிப்பிடத்தகுந்தது. புதிய கிரவுண்ட் கிளியரன்ஸ் அதிக சவாலான சாலையைக் கூட மிகவும் அசால்டாக சமாளிக்க உதவும். குறிப்பாக, பாறைகள் அதிகம் குவிந்திருக்கும் குவாரிகளில்கூட மிக சுலபமாக இக்கார் பயணிக்கும். இதற்காகவே புதிய உயரத்திற்கு அது அப்கிரேட் செய்யப்பட்டிருக்கின்றது.

இதுபோன்ற விநோதமான விளம்பர வீடியோவை வால்வோ வெளியிடுவது இது முதல் முறையல்ல. முன்னதாக இரு ட்ரக்குகளுக்கு இடையே வெளிப்புறத்தில் அதன் கண்ணாடிகள் மீது நின்று பயணிக்கின்ற மாதிரியான வீடியோவை அது வெளியிட்டிருந்தது.

முன்னதாக, தங்களின் டிரக்குகளில் ஸ்டியரிங் வீல் மிகவும் லேசானதாக வழங்கப்படுகின்றது என்பதை உறுதிப்படுத்தும் வகையில் ஓர் வீடியோவையும் அது வெளியிட்டிருந்தது. இதில், ஸ்டியரிங் வீல் மிகவும் லேசானது என்பதை உறுதிப்படுத்தும் விதமாக எலி பயன்படுத்தப்பட்டிருந்தது. கேரட்டைக் காட்டி ஓட்டுநர் எலியை திசை திருப்ப, அது நகரும் திசையை நோக்கி லார் நகரும். இந்த வீடியோவை வால்வோ வெளியிட்டிருந்தது.

இதுபோன்ற முற்றிலும் வித்தியாசமான விளம்பர வீடியோக்களையே வால்வோ கடந்த சில வருடங்களாகவே வெளியிட்டுவருகின்றது. குறிப்பாக கடந்த ஏழு வருடங்களாகவே இதுமாதிரியான விளம்பர வீடியோக்களை அது வெளியிட்டு வருகின்றது.