ஜாவா பைக்குகளின் ஷோரூம் விலைகள் அதிகரிப்பு!! பதற வேண்டாம்... மிகவும் குறைவாகதான் உயர்த்தப்பட்டுள்ளன...

தற்சமயம் ஜாவா பிராண்டில் இருந்து 42, ஜாவா மற்றும் பெராக் என்ற மூன்று பைக் மாடல்கள் விற்பனையில் உள்ளன. இவற்றின் விலைகள்தான் தற்போது தலா ரூ.2,987 அதிகரிக்கப்பட்டுள்ளன.

இதில் ஜாவா பைக் சிங்கிள்-சேனல் மற்றும் ட்யுல்-சேனல் ஏபிஎஸ் தேர்வுகளில் கருப்பு, க்ரே, மெரூன் நிறத்தேர்வுகளில் கிடைக்கிறது. இரு ஏபிஎஸ் தேர்விலும் கருப்பு மற்றும் க்ரே நிறத்தில் இந்த பைக்கின் விலை ஒரே மாதிரியாகவே உள்ளது.

ஆனால் ஜாவாவை மெரூன் நிறத்தில் பெற ரூ.1,100 அளவில் கூடுதலாக செலுத்த வேண்டும். இதன் சிங்கிள்-சேனல் ஏபிஎஸ் வேரியண்ட்களுக்கும் ட்யுல்-சேனல் ஏபிஎஸ் வேரியண்ட்களுக்கும் இடையே ரூ.9 ஆயிரம் அளவில் வித்தியாசம் உள்ளது.

ஜாவா பிராண்டில் இருந்து தற்சமயம் கிடைக்கும் குறைவான விலை கொண்ட பைக்கான 42 ஆறு விதமான நிறத்தேர்வுகளில் சந்தைப்படுத்தப்பட்டுள்ளது. இதுவும் சிங்கிள்-சேனல் மற்றும் ட்யுல்-சேனல் ஏபிஎஸ் என்ற இரு விதமான வெர்சன்களில் விற்பனை செய்யப்படுகிறது.

இதன் புதிய குறைந்தப்பட்ச விலையாக ரூ.1,63,287-உம் (ஹாலேவின் காட்டு வாத்தின் நிறம் அல்லது ஸ்டார்லைட் நீல நிறத்தில் சிங்கிள்-சேனல் ஏபிஎஸ் வேரியண்ட்), அதிகப்பட்ச விலையாக ரூ.1,77,157-உம் (கோமெட் சிவப்பு அல்லது விண்மீனின் பச்சை அல்லது நெபுலா நீல நிறத்தில் ட்யுல்-சேனல் ஏபிஎஸ் வேரியண்ட்) நிர்ணயிக்கப்பட்டுள்ளது.

ஜாவா பிராண்டில் இருந்து கடைசியாக அறிமுகமான ஒற்றை இருக்கை உடைய பெராக் கருப்பு நிறத்தில் ட்யுல்-சேனல் ஏபிஎஸ் வெர்சனில் மட்டுமே விற்பனை செய்யப்படுகிறது. ரூ.1,94,500ஆக இருந்த இதன் முந்தைய விலை தற்போது ரூ.1,97,487ஆக நிர்ணயிக்கப்பட்டுள்ளது.

இவ்வாறு விலை அதிகரிக்கப்பட்ட போதிலும், இப்போதும் இந்த ஜாவா பைக்குகள் ராயல் என்பீல்டு நிறுவனத்தின் கிளாசிக் 350 மற்றும் சமீபத்திய அறிமுகமான மீட்டியோர் 350 மற்றும் ஹோண்டா ஹைனெஸ் சிபி350 பைக்குகளுக்கு போட்டியாகவே விளங்குகின்றன. அதிலும் பெராக், இந்தியாவில் இப்போதைக்கு குறைவான விலையில் கிடைக்கும் பாப்பர் ஸ்டைல் மோட்டார்சைக்கிளாக விளங்குகிறது.