Just In
- 42 min ago அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- 48 min ago ஆணுக்கு இணையா பந்தயத்துக்கு வரிசைக்கட்டி நின்ற பெண் பைக் ரேஸர்கள்!! போட்டி தீயாய் இருந்துச்சு... முழு வீடியோ!
- 3 hrs ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 3 hrs ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
Don't Miss!
- Sports ஆர்சிபி வேண்டாம் என ஒதுக்கிய 3 வீரர்கள்.. ஐபிஎல் 2024 சீசனில் பட்டையை கிளப்பும் அதிசயம்
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Lifestyle 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- News "மகளிர் உரிமை தொகை வரல.." அமைச்சரை பேச விடாமல் நிறுத்திய பெண்.. மேடையில் அடுத்து நடந்த பரபர சம்பவம்
- Movies என்னது தனுஷ் இயக்கத்தில் நடிக்கிறாரா ஜிவி பிரகாஷ்?.. அட இது செம விஷயமா இருக்கே
- Technology குசும்பன்யா இந்த Samsung.. மாஸ் 5G போனை ரூ.10,000 விலையில் விற்பனை.. எந்த மாடல்? எப்போ வாங்கலாம்?
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
விற்பனையில் அடித்து தூள் கிளப்பும் மஹிந்திரா பொலிரோ... அக்டோபர் மாதம் இத்தனை கார்கள் சேல்ஸ் ஆயிருக்கா?
கடந்த அக்டோபர் மாதம் மஹிந்திரா பொலிரோ காரின் சேல்ஸ் ரிப்போர்ட்டை இந்த செய்தியில் பார்க்கலாம்.
நடப்பாண்டு அக்டோபர் மாதம் மஹிந்திரா நிறுவனத்திற்கு சிறப்பாக அமைந்துள்ளது. மஹிந்திரா நிறுவனம் கடந்த மாதம் சந்தை பங்கில் 2.2 சதவீத வளர்ச்சியை பதிவு செய்துள்ளது. மஹிந்திரா நிறுவனம் கடந்த அக்டோபர் மாதம் 20,034 கார்களை விற்பனை செய்து அசத்தியுள்ளது. இதன் மூலம் கடந்த மாதம் அதிக கார்களை விற்பனை செய்த கார்களின் பட்டியலில் மஹிந்திரா 4வது இடத்தை பிடித்துள்ளது.
முதல் மூன்று இடங்களில் முறையே மாருதி சுஸுகி, ஹூண்டாய் மற்றும் டாடா ஆகிய நிறுவனங்கள் உள்ளன. கடந்த அக்டோபர் மாதம் இந்தியாவில் அதிகம் விற்பனையான மஹிந்திரா கார் என்ற பெருமையை பொலிரோ பெற்றுள்ளது. பொலிரோ மற்றும் பொலிரோ நியோ ஆகிய கார்கள் கூட்டாக 6,375 என்ற விற்பனை எண்ணிக்கையை பதிவு செய்துள்ளன.
மஹிந்திரா பொலிரோ காரில் ஒரே ஒரு இன்ஜின் தேர்வு மட்டுமே வழங்கப்படுகிறது. இது 1.5 லிட்டர், 3 சிலிண்டர், டர்போ டீசல் இன்ஜின் ஆகும். இந்த இன்ஜின் அதிகபட்சமாக 75 பிஎஸ் பவரையும், 195 என்எம் டார்க் திறனையும் உருவாக்க கூடியது. இந்த இன்ஜினுடன் 5 ஸ்பீடு மேனுவல் டிரான்ஸ்மிஷன் இணைக்கப்பட்டுள்ளது.
மஹிந்திரா பொலிரோ காரில் ரியர் வீல் டிரைவ் ஆப்ஷன் ஸ்டாண்டர்டாக வழங்கப்படுகிறது. தற்போதைய நிலையில் மஹிந்திரா பொலிரோ காரின் ஆரம்ப விலை 8.71 லட்ச ரூபாய் ஆகவும், டாப் வேரியண்ட்டின் விலை 9.70 லட்ச ரூபாய் ஆகவும் நிர்ணயம் செய்யப்பட்டுள்ளது. தற்போதைய நிலையில் மஹிந்திரா பொலிரோ கார் மொத்தம் 3 வேரியண்ட்களில் கிடைக்கிறது.
அவை B4, B6 மற்றும் B6 (O) ஆகியவை ஆகும். இந்திய சந்தையில் மஹிந்திரா பொலிரோ காருக்கு நேரடி போட்டி என எந்த காரும் இல்லை. எனினும் மாருதி சுஸுகி விட்டாரா பிரெஸ்ஸா, ஹூண்டாய் வெனியூ, டாடா நெக்ஸான், மஹிந்திரா எக்ஸ்யூவி300, நிஸான் மேக்னைட் மற்றும் ரெனால்ட் கைகர் உள்ளிட்ட கார்களுடன் இது போட்டியிட்டு வருகிறது.
இதற்கிடையே மஹிந்திரா பொலிரோ நியோ கார், பொலிரோ உடன் பெயரை பகிர்ந்து கொள்கிறது. இது ஏற்கனவே விற்பனையில் இருந்து வந்த மஹிந்திரா டியூவி300 காரின் ஃபேஸ்லிஃப்ட் வெர்ஷன் ஆகும். மஹிந்திரா பொலிரோ நியோ காரில், 1.5 லிட்டர் டீசல் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 100 பிஎஸ் பவரையும், 260 என்எம் டார்க் திறனையும் உருவாக்க கூடியது.
இந்த காரின் ஆரம்ப விலை 8.77 லட்ச ரூபாய் ஆகவும், டாப் வேரியண்ட்டின் விலை 10.99 லட்ச ரூபாய் ஆகவும் நிர்ணயம் செய்யப்பட்டுள்ளது. இவை எக்ஸ் ஷோரூம் விலையாகும். மஹிந்திரா பொலிரோ காரை போலவே, மஹிந்திரா நிறுவனம் சமீபத்தில் விற்பனைக்கு அறிமுகம் செய்த எக்ஸ்யூவி700 காருக்கும் இந்திய சந்தையில் அமோக வரவேற்பு கிடைத்துள்ளது.
மஹிந்திரா எக்ஸ்யூவி700 கார், சக்தி வாய்ந்த இன்ஜின் தேர்வுகளுடனும், அதிநவீன வசதிகளுடனும், கவர்ச்சிகரமான டிசைனுடனும் விற்பனைக்கு கொண்டு வரப்பட்டுள்ளது. அத்துடன் மிக சவாலான விலை நிர்ணயம் செய்யப்பட்டுள்ளது. இதன் காரணமாக முன்பதிவு தொடங்கப்பட்ட குறுகிய காலத்திலேயே எக்ஸ்யூவி700 காருக்கு, 70 ஆயிரத்திற்கும் மேற்பட்ட முன்பதிவுகள் குவிந்து விட்டன.
இது மிகப்பெரிய சாதனையாக கருதப்படுகிறது. ஆனால் மிகப்பெரிய எண்ணிக்கையில் முன்பதிவுகள் குவிந்துள்ளதால், மஹிந்திரா எக்ஸ்யூவி700 காரை முன்பதிவு செய்துள்ள வாடிக்கையாளர்கள், அதனை டெலிவரி பெறுவதற்கு சற்று பொறுமையுடன் காத்திருக்க வேண்டிய சூழல் ஏற்படலாம் என ஆட்டோமொபைல் துறை வல்லுனர்கள் கருத்து தெரிவித்து வருகின்றனர்.
போதாக்குறைக்கு தற்போது செமி கண்டக்டர் சிப்களுக்கு பற்றாக்குறை வேறு நிலவி வருகிறது. இதுவும் மஹிந்திரா எக்ஸ்யூவி700 காரின் காத்திருப்பு காலத்தை உயர்த்துவதற்கான வாய்ப்புகள் உள்ளதாக தெரிகிறது. வரும் காலங்களில் மஹிந்திரா நிறுவனம் ஸ்கார்பியோ காரின் புதிய தலைமுறை மாடலை விற்பனைக்கு அறிமுகம் செய்யவுள்ளது.
அனேகமாக 2022ம் ஆண்டு மார்ச் மாதம் புதிய தலைமுறை மஹிந்திரா ஸ்கார்பியோ கார் விற்பனைக்கு அறிமுகம் செய்யப்படலாம் என எதிர்பார்க்கப்படுகிறது. இதை தொடர்ந்து மஹிந்திரா எக்ஸ்யூவி300 காரின் எலெக்ட்ரிக் வெர்ஷன் உள்ளிட்ட பல்வேறு புதிய கார்கள் இந்திய சந்தையில் விற்பனைக்கு அறிமுகம் செய்யப்படவுள்ளன.