Just In
- 51 min ago சாதா கிளாஸ் டிக்கெட்டை வாங்கிட்டு முதல் வகுப்பில் பயணிக்கனுமா!! விமான பணி பெண் சொல்லும் மூன்று ரகசிய வழிகள்!
- 5 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 5 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 6 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
Don't Miss!
- News இந்திய எல்லையில் சியாச்சினுக்கு மிக அருகே.. சீனா அமைக்கும் புதிய சாலை! எதற்காக தெரியுமா? பகீர் தகவல்
- Lifestyle Today Rasi Palan 26 April 2024: இன்று இந்த ராசிக்காரர்கள் வேலை மாற்றத்தைப் பற்றி யோசிக்காமல் இருப்பது நல்லது..
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
காலரை தூக்கி விடுங்க... மஹிந்திரா எக்ஸ்யூவி700 கார் எவ்ளோ பாதுகாப்பானது தெரியுமா? வாயை பிளக்கும் உலக நாடுகள்!
குளோபல் என்சிஏபி அமைப்பின் மோதல் சோதனைகளில் மஹிந்திரா எக்ஸ்யூவி700 கார் அசத்தலாக செயல்பட்டு, இந்தியாவிற்கு பெருமை சேர்த்துள்ளது. இதுகுறித்த தகவல்களை இந்த செய்தியில் பார்க்கலாம்.
மஹிந்திரா எக்ஸ்யூவி700 (Mahindra XUV700) கார் சமீபத்தில் விற்பனைக்கு அறிமுகம் செய்யப்பட்டது. இதன் டெலிவரி பணிகள் தற்போது விறுவிறுப்பாக நடைபெற்று வருகின்றன. டெலிவரி பணிகள் அதிகாரப்பூர்வ தொடங்கப்பட்டு ஒரு சில நாட்கள் மட்டுமே கடந்துள்ள நிலையில், மஹிந்திரா எக்ஸ்யூவி700 காரின் மோதல் சோதனை (Crash Test) முடிவுகள் தற்போது வெளியாகியுள்ளன.
மஹிந்திரா எக்ஸ்யூவி700 காரை, குளோபல் என்சிஏபி (Global NCAP) அமைப்பு மோதல் சோதனைக்கு உட்படுத்தியது. இதில் மஹிந்திரா எக்ஸ்யூவி700 கார் முழுமையாக 5 ஸ்டார் பாதுகாப்பு ரேட்டிங்கை பெற்று இந்தியாவிற்கு பெருமை தேடி தந்துள்ளது. பெரியவர்களுக்கான பாதுகாப்பில் 5 ஸ்டார் ரேட்டிங்கையும், குழந்தைகளுக்கான பாதுகாப்பில் 4 ஸ்டார் ரேட்டிங்கையும் மஹிந்திரா எக்ஸ்யூவி700 பெற்றுள்ளது.
குளோபல் என்சிஏபி அமைப்பின் மோதல் சோதனைகளில் முழுமையாக 5 ஸ்டார் பாதுகாப்பு ரேட்டிங்கை பெற்ற 5வது 'மேட் இன் இந்தியா' கார் என்ற பெருமையும் மஹிந்திரா எக்ஸ்யூவி700 காருக்கு கிடைத்துள்ளது. இதற்கு முன்னதாக டாடா நெக்ஸான், டாடா அல்ட்ராஸ், டாடா பன்ச் மற்றும் மஹிந்திரா எக்ஸ்யூவி300 ஆகிய 4 கார்கள் குளோபல் என்சிஏபி அமைப்பின் மோதல் சோதனைகளில் 5 ஸ்டார் ரேட்டிங்கை பெற்றுள்ளது.
பெரியவர்களுக்கான பாதுகாப்பில் 17க்கு 16.03 புள்ளிகளையும், குழந்தைகளுக்கான பாதுகாப்பில் 49க்கு 41.66 புள்ளிகளையும் மஹிந்திரா எக்ஸ்யூவி700 கார் ஸ்கோர் செய்துள்ளது. புள்ளிகள் அடிப்படையில் பார்த்தால், இந்தியாவின் பாதுகாப்பான கார்களின் பட்டியலில் மஹிந்திரா எக்ஸ்யூவி700 கார் 5வது இடத்தை பிடித்துள்ளது.
இந்த பட்டியலில் டாடா பன்ச் கார் முதலிடத்திலும் (17க்கு 16.45, 49க்கு 40.89) , மஹிந்திரா எக்ஸ்யூவி300 கார் இரண்டாவது இடத்திலும் (17க்கு 16.42, 49க்கு 37.44), டாடா அல்ட்ராஸ் கார் மூன்றாவது இடத்திலும் (17க்கு 16.13, 49க்கு 29.00), டாடா நெக்ஸான் கார் நான்காவது இடத்திலும் (17க்கு 16.06, 49க்கு 25.00) உள்ளன. இந்த 5 கார்களை தவிர வேறு எந்த இந்திய காரும் குளோபல் என்சிஏபி அமைப்பிடம் 5 ஸ்டார் ரேட்டிங்கை வாங்கியதில்லை.
ஆனால் மஹிந்திரா நிறுவனத்தின் வேறு சில கார்கள் குளோபல் என்சிஏபி அமைப்பின் மோதல் சோதனைகளில் சிறந்த பாதுகாப்பை வெளிப்படுத்தியுள்ளன. இதன்படி மஹிந்திரா மராஸ்ஸோ கார் குளோபல் என்சிஏபி அமைப்பின் மோதல் சோதனைகளில் பெரியவர்களுக்கான பாதுகாப்பில் 4 ஸ்டார்களையும், குழந்தைகளுக்கான பாதுகாப்பில் 2 ஸ்டார்களையும் பெற்றுள்ளது.
இதுதவிர மஹிந்திரா தார் எஸ்யூவி கார் பெரியவர்களுக்கான பாதுகாப்பில் 4 ஸ்டார்களையும், குழந்தைகளுக்கான பாதுகாப்பில் 4 ஸ்டார்களையும் பெற்று அசத்தியுள்ளது. இந்த வரிசையில் தற்போது மஹிந்திரா எக்ஸ்யூவி700 காரும் குளோபல் என்சிஏபி அமைப்பின் மோதல் சோதனைகளில் சிறப்பான பாதுகாப்பை வெளிக்காட்டியுள்ளது.
மஹிந்திரா எக்ஸ்யூவி700 காருக்கு ஏற்கனவே ஏராளமான முன்பதிவுகள் குவிந்துள்ளன. கடந்த ஒரு சில நாட்களுக்கு முன்னர் கடைசியாக கிடைத்த தகவலின்படி மஹிந்திரா எக்ஸ்யூவி700 காருக்கு 70 ஆயிரத்திற்கும் மேற்பட்ட முன்பதிவுகள் குவிந்திருந்தன. தற்போது இதன் பாதுகாப்பு குறித்த அதிகாரப்பூர்வமான தகவலும் வெளியாகியுள்ளது.
எனவே வரும் நாட்களில் மஹிந்திரா எக்ஸ்யூவி700 காரை வாங்குவதற்கு இன்னும் பலர் ஆர்வம் காட்டுவார்கள் என எதிர்பார்க்கப்படுகிறது. இதன் காரணமாக மஹிந்திரா எக்ஸ்யூவி700 காரின் முன்பதிவு எண்ணிக்கை மேலும் உயர்வதற்கான வாய்ப்புகள் ஏராளமாக உள்ளன. ஏனெனில் இந்திய வாடிக்கையாளர்கள் தற்போது பாதுகாப்பிற்கு அதிக முக்கியத்துவம் வழங்க தொடங்கியுள்ளனர்.
முன்பெல்லாம் புதிய காரை வாங்கும்போது விலை, மைலேஜ், டிசைன், கலர் ஆகிய அம்சங்களை மட்டுமே பார்த்து கொண்டிருந்த இந்திய வாடிக்கையாளர்கள், தற்போது மோதல் சோதனை முடிவு என்ன? பாதுகாப்பில் எத்தனை ஸ்டார்களை வாங்கியுள்ளது? என்பதையும் கவனிக்க தொடங்கியுள்ளனர். எனவே கார் நிறுவனங்களும் தற்போது பாதுகாப்பிற்கு அதிக முக்கியத்துவம் வழங்க தொடங்கியுள்ளன.
இந்தியாவை பொறுத்தவரை இந்த விஷயத்தில் டாடா மற்றும் மஹிந்திரா ஆகிய நிறுவனங்கள் கூடுதல் கவனத்துடன் செயல்படுகின்றன. எனவேதான் அந்த நிறுவனங்களின் கார்கள் குளோபல் என்சிஏபி அமைப்பின் மோதல் சோதனைகளில் அசத்தி வருகின்றன. இதற்காக இந்த 2 இந்திய நிறுவனங்களுக்கும் நாம் நிச்சயமாக பாராட்டுக்களை தெரிவிக்க வேண்டும்.
ஏனெனில் இந்த 2 நிறுவனங்களும் உலக அரங்கில் இந்தியாவிற்கு பெருமை தேடி தந்து கொண்டுள்ளன. முன்பெல்லாம் இந்திய கார்கள் பாதுகாப்பு இல்லாதவை என்ற ஏளன பேச்சு இருந்து வந்தது. அதனை தகர்த்து, உலக நாடுகளை மூக்கின் மேல் விரல் வைக்க வைத்ததில், டாடா மற்றும் மஹிந்திரா ஆகிய நிறுவனங்களுக்கு முக்கிய பங்குள்ளது.
-
இந்த காரை எத்தன பேரு தங்களுக்கு பிடிச்சவங்களுக்கு பரிசா கொடுக்க போறாங்களோ! அஸ்டன் மார்ட்டின் வேன்டேஜ் அறிமுகம்
-
7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
-
இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?