Click it and Unblock the Notifications
மஹிந்திரா தார் எஸ்யூவி விலை கணிசமாக உயர்ந்தது... வேரியண்ட் வாரியாக விலை உயர்வு விபரம்!
புதிய தலைமுறை மஹிந்திரா தார் எஸ்யூவி விலை கணிசமாக அதிகரிக்கப்பட்டுள்ளது. இந்த எஸ்யூவியின் வேரியண்ட் வாரியாக விலை உயர்வு விபரங்களை இந்த செய்தியில் விரிவாகப் பார்க்கலாம்.
எஸ்யூவி மார்க்கெட்டில் புதிய தலைமுறை மஹிந்திரா தார் எஸ்யூவி பெரிய அளவில் சலசலப்பை ஏற்படுத்தி உள்ளது. ஆளுமையானத் தோற்றம், செயல்திறன் மிக்க எஞ்சின் தேர்வுகளுடன் மிகச் சரியான விலையில் கொண்டு வரப்பட்டுள்ளதால், ஆஃப்ரோடு பிரியர்கள் மட்டுமின்றி, எஸ்யூவி வாங்க திட்டமிடுவோரின் கவனத்தை வெகுவாக ஈர்த்துள்ளது.
புதிய மஹிந்திரா தார் எஸ்யூவி ஏஎக்ஸ் மற்றும் எல்எக்ஸ் என்ற இரண்டு மாடல்களில் பல்வேறு வேரியண்ட் தேர்வுகளில் கிடைக்கிறது. இந்த நிலையில், ஏஎக்ஸ் மாடலில் சில வேரியண்ட்டுகளை மஹிந்திரா நீக்கியது.
இந்த நிலையில், புதிய தலைமுறை மஹிந்திரா தார் எஸ்யூவியின் விலை ரூ.20,000 முதல் ரூ.40,000 வரை அதிகரிக்கப்பட்டுள்ளது. புதிய மஹிந்திரா தார் எஸ்யூவியின் ஏஎக்ஸ் ஆப்ஷனல் பெட்ரோல் வேரியண்ட்தான் இப்போது விலை குறைவான வேரியண்ட் தேர்வாக உள்ளது. இதன் விலை ரூ.11.90 லட்சத்தில் இருந்து ரூ.12.10 லட்சமாக உயர்த்தப்பட்டுள்ளது.
இதேபோன்று, ஏஎக்ஸ் ஆப்ஷனல் டீசல் வேரியண்ட் விலை ரூ.12.20 லட்சத்திலிருந்து ரூ.12.40 லட்சமாக அதிகரிக்கப்பட்டுள்ளது. ஏஎக்ஸ் ஆப்ஷனல் டீசல் மேனுவல் (Hardtop) மாடல் விலை ரூ.12.20 லட்சத்தில் இருந்து ரூ.12.40 லட்சமாக அதிகரிக்கப்பட்டுள்ளது.
அதேபோன்று, எல்எக்ஸ் பெட்ரோல் மேனுவல் ஹார்டு டாப் மாடல் ரூ.12.49 லட்சத்திலிருந்து ரூ.12.79 லட்சமாக உயர்ந்துள்ளது. எல்எக்ஸ் பெட்ரோல் ஆட்டோமேட்டிக் டாப் வேரியண்ட் விலை ரூ.13.55 லட்சத்திலிருந்து ரூ.13.95 லட்சமாக அதிகரிக்கப்பட்டுள்ளது.
| Variant | New Price | Old Price |
| AX (O) Petrol MT CT | Rs12,10,337 | Rs11,90,000 |
| AX (O) Diesel MT CT | Rs12,30,337 | Rs12,10,000 |
| AX (O) Diesel MT HT | Rs12,40,337 | Rs12,20,000 |
| LX Petrol MT HT | Rs12,79,337 | Rs12,49,000 |
| LX Diesel MT CT | Rs13,15,336 | Rs12,85,000 |
| LX Diesel MT HT | Rs13,25,337 | Rs12,95,000 |
| LX Petrol AT CT | Rs13,85,337 | Rs13,45,000 |
| LX Petrol AT HT | Rs13,95,336 | Rs13,55,000 |
| LX Diesel AT CT | Rs14,05,336 | Rs13,65,000 |
| LX Diesel AT HT | Rs14,15,338 | Rs13,75,000 |
தார் எஸ்யூவியின் விலை உயர்ந்த வேரியண்ட்டாக விற்பனையில் இருக்கும் எல்எக்ஸ் டீசல் ஆட்டோமேட்டிக் மாடல் விலை ரூ.13.75 லட்சத்திலிருந்து ரூ.14.15 லட்சமாக அதிகரிக்கப்பட்டுள்ளது. அனைத்தும் டெல்லி எக்ஸ்ஷோரூம் விலையாக தெரிவிக்கப்பட்டுள்ளது.
இந்த எஸ்யூவியில் ஷிஃப்ட் ஆன் ஃப்ளை வசதியுடன் 4 வீல் டிரைவ் சிஸ்டம் மற்றும் மெக்கானிக்கல் லாக்கிங் டிஃபரன்ஷியல் தொழில்நுட்பங்கள் நிரந்தர அம்சங்களாக கொடுக்கப்படுகின்றன.
Continue with Google