மலிவு விலை காரின் விலையை உயர்த்தியது நிஸான்... எவ்வளவு உயர்த்தியிருக்கு தெரியுமா?.. ஷாக்காயிடாதீங்க!!

நிஸான் நிறுவனத்தின் புதுமுக காராக மேக்னைட் இருக்கின்றது. இக்காரை கடந்த டிசம்பர் மாதம் 2ம் தேதி அன்றே நிறுனம் இந்தியாவில் விற்பனக்கு அறிமுகப்படுத்தியது. இக்காருக்கு அறிமுக விலையாக ரூ. 4.99 லட்சம் என்ற விலை அது நிர்ணயித்தது. இத்தகைய மிக குறைந்த விலையின் காரணமாக ஹேட்ச்பேக் கார்களுக்கே டஃப் கொடுக்கின்ற வகையில் மேக்னைட் அமோகமான புக்கிங்கைப் பெற்றது.

vஇந்த நிலையிலேயே மேக்னைட் காரின் விலையை ஐம்பதாயிரம் ரூபாய் வரை நிஸான் உயர்த்தியிருக்கின்றது. இதனால் ரூ. 4.99 லட்சமாக இருந்த நிஸான் மேக்னைட் காரின் ஆரம்ப விலை தற்போது ரூ. 5.49 ஆயிரமாக மாறியிருக்கின்றது. இது நிஸான் வாடிக்கையாளர்கள் மத்தியில் அதிர்ச்சியை ஏற்படுத்தியிருக்கின்றது.

இந்த விலையுயர்வு திடீரென செய்யப்பட்டது அல்ல. ஏற்கனவே இதுகுறித்து நிஸான் நிறுவனம் தகவல் வெளியிட்டிருந்தது குறிப்பிடத்தகுந்தது. அறிமுகத்தை முன்னிட்டே ரூ. 4.99 லட்சம் நிர்ணயித்தாக அது கூறியிருந்தது. மேலும், ஜனவரி 1ம் தேதி முதல் இதன் விலையை உயர்த்த இருப்பதாக கூறியிருந்தது.

இந்த நிலையிலேயே திட்டமிட்டபடி காரின் விலை தற்போது உயர்த்தப்பட்டிருக்கின்றது. காரின் புதிய விலையை புகைப்படப்பமாக கீழே காணலாம்.

நிஸான் மேக்னைட் கார் ஒட்டுமொத்தமாக 20 வேரியண்டுகளில் விற்பனைக்குக் கிடைக்கின்றது. இதில் ஆரம்பநிலை வேரியண்டின் விலை மட்டுமே உயர்த்தப்பட்டிருக்கின்றது. ஆமாங்க, ரூ. 50 ஆயிரம் விலையுயர்வு நிஸான் மேக்னைட்டின் ஆரம்ப நிலை தேர்வான எக்ஸ்இ-க்கு மட்டுமே பொருந்தும்.

ஆகையால், பிற தேர்வுகள் அனைத்தும் அதன் பழைய விலையிலேயே விற்பனைக்குக் கிடைக்கின்றது. மறு அறிவிப்பு வரும் வரை அவற்றின் விலையை உயர்த்த வேண்டாம் என நிஸான் நிர்வாகம் விற்பனையாளர்களுக்கு கூறியுள்ளது. தற்போது நிஸான் மேக்னைட் காருக்கு நல்ல டிமாண்ட் நிலவி வருவதை அடுத்தே இந்த முடிவை நிஸான் எடுத்திருக்கின்றது.

விலையுயர்வு காரின் புக்கிங்கில் எந்தவித பாதிப்பையும் ஏற்படுத்தி விடக் கூடாது என்பதற்காக இந்த முடிவு எடுக்கப்பட்டுள்ளது. தற்போது வரை 32,800 யூனிட் நிஸான் மேக்னைட் கார்களுக்கான புக்கிங் கிடைத்திருப்பதாக நிஸான் நிறுவனம் அறிவித்துள்ளது. இதுதவிர 1,80,000 ஆயிரம் பேர் கார் பற்றி விசாரித்திருப்பதாகவும் அது தகவல் வெளியிட்டிருக்கின்றது.

இந்த அமோக புக்கிங்கைத் தொடர்ந்து 1000 பணியாளர்களை கூடுதலாக நியமிக்க நிஸான் திட்டமிட்டுள்ளது. அதிக புக்கிங்கின் காரணமாக தற்போது நிஸான் மேக்னைட் காரை புக் செய்வோர் 2 முதல் 3 மாதங்கள் வரை காத்திருக்க வேண்டிய சூழல் நிலவுகின்றது. இதனைக் குறைக்கும் நோக்கிலும் ஆயிரம் பணியாளர்களை நியமிக்க நிஸான் திட்டமிட்டிருக்கின்றது.