Just In
- 14 min ago டாடாவின் இந்த கார் இவ்ளோ பாதுகாப்பானதா! ஷோரூம்களில் மக்கள் கூட்டம் அலைமோதுது! அதிர்ச்சியில் மாருதி சுஸுகி!
- 41 min ago மஹிந்திரா ஸ்கார்பியோ, பெயருக்கே காரை வாங்க கூட்டம் குவியுது!! டாடா நிறுவனத்தால் கிட்ட கூட நெருங்க முடியல!
- 58 min ago இப்ப மீட் பண்ணா தேர்தல்ல மோடி ஜெயிச்சிருவாரு! எலான் மஸ்க் - மோடி சந்திப்பு தள்ளி வைப்பு!
- 1 hr ago பைக்க விட அதிக மைலேஜ் தரும் ஹூண்டாய் கார்.. பொய் சொல்லல.. ஸ்ட்ராங்கான ஆதாரத்தோடதான் சொல்றாங்க!
Don't Miss!
- Sports என்னங்க இது.. இளம் வீரர்களை கதி கலங்க வைத்த தோனி STATS.. 42 வயதிலும் உலகின் சிறந்த ஃபினிஷர்
- Movies சினேகா பிரசன்னா குடும்ப உறவில் விரிசல்.. பயில்வான் சொன்ன அதிர்ச்சி தகவல்!
- News இந்த ஆண்டு UPSC தேர்வானவர்களில் 34.65% பெண்கள், 5.02% முஸ்லிம்கள்.. முழு டேட்டா இதோ!
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Finance தங்கம் விலை பொசுக்கு குறைஞ்சிடுச்சு! கேட்கவே இனிமையா இருக்கு.. சென்னை, கோவை, மதுரையில் என்ன விலை?
- Lifestyle ஜோதிடத்தில் திசை என்றால் என்ன? உங்களுக்கு என்ன திசை நடக்கிறது? அதனால் கிடைக்கும் பலன்கள்..!
- Technology திடீர் பணம் தேவையா.. தனிநபர் கடன் வழங்கும் Google Pay.. எவ்வளவு கிடைக்கும்? எப்படி வாங்குவது?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
புதிய மேக்னைட் காரின் விலை கணிசமாக உயர்வு... வேரியண்ட் வாரியாக விலை உயர்வு விபரம்
ஸ்டைல், வசதிகள், விலை என அனைத்திலும் சிறந்த தேர்வாக உள்ள நிஸான் மேக்னைட் காரை புக்கிங் செய்ய காத்திருக்கிறீர்களா? உங்களுக்கு ஒரு கசப்பான செய்தி வந்துள்ளது. வேறு என்ன, விலை உயர்வுதான். இதுபற்றிய விரிவானத் தகவல்களை தொடர்ந்து பார்க்கலாம்.
இந்தியாவின் சப்-காம்பேக்ட் எஸ்யூவி மார்க்கெட்டில் விலை குறைவான தேர்வாக களமிறக்கப்பட்ட நிஸான் மேக்னைட் கார் பெரும் வரவேற்பை பெற்று வருகிறது. கடந்த டிசம்பர் துவக்கத்தில் சந்தைக்கு கொண்டு வரப்பட்ட இந்த கார் ரூ.4.99 லட்சம் என்ற ஆரம்ப விலையில் வந்தததால், சிறப்பான புக்கிங்கையும், விற்பனையையும் பதிவு செய்து வருகிறது. இதுவரை 40,000க்கும் மேற்பட்ட முன்பதிவுகளை இந்த கார் பெற்றுள்ளது.
இந்த நிலையில், அறிமுகம் செய்யப்பட்டு ஒரு மாதத்திற்கு மட்டும் அறிமுகச் சலுகை விலையாக தெரிவிக்கப்பட்ட நிலையில், கடந்த ஜனவரியில் பேஸ் வேரியண்ட்டின் விலை மட்டுமே ரூ.50,000 அதிகரிக்கப்பட்டது. பிற வேரியண்ட்டுகளின் விலை அதிகரிக்கப்படவில்லை. இந்த நிலையில், மேக்னைட் காரின் டர்போ பெட்ரோல் மாடலின் விலை தற்போது உயர்த்தப்பட்டு இருக்கிறது.
ஆனால், இதில் ஆறுதல் என்னவெனில், சாதாரண 1.0 லிட்டர் பெட்ரோல் மாடலின் விலை உயர்த்தப்படவில்லை. எனவே, மிக குறைவான பட்ஜெட்டில் இந்த காரை வாங்க இருப்போருக்கு எந்த பிரச்னையும் இல்லை. ஆனால், நிஸான் மேக்னைட் காரின் அதிகம் விற்பனையாகும் டர்போ பெட்ரோல் மாடலின் விலைதான் உயர்த்தப்பட்டுள்ளது. அதாவது, டர்போ பெட்ரோல் விலை அதிகபட்சமாக ரூ.30,000 உயர்த்தப்பட்டு இருக்கிறது.
இது மேக்னைட் டர்போ பெட்ரோல் மாடலை வாங்குவோருக்கு இது கணிசமான விலை உயர்வுதான். எனினும், மேக்னைட் காரின் டாப் வேரியண்ட் எக்ஸ்ஷோரூம் விலை ரூ.10 லட்சத்திற்கு குறைவாகவே வைக்கப்பட்டு இருப்பது கவனிக்க வேண்டிய விஷயம்.
நிஸான் மேக்னைட் காரின் சாதாரண பெட்ரோல் மாடல் எக்ஸ்இ, எக்ஸ்எல், எக்ஸ்வி, எக்ஸ்வி பி ஆகிய நான்கு வேரியண்ட்டுகளில் கிடைக்கிறது. ரூ.5.49 லட்சம் முதல் ரூ.7.55 லட்சம் வரையிலான விலையில் கிடைக்கிறது. விலையில் எந்த மாற்றமும் இல்லை.
டர்போ பெட்ரோல் எஞ்சின் மாடலானது ரூ.6.99 லட்சம் முதல் ரூ.9.45 லட்சம் வரையிலான விலையில் விற்பனை செய்யப்பட்டு வந்தது. அதாவது, ரூ.16,000 முதல் ரூ.30,000 வரை விலை அதிகரிக்கப்பட்டுள்ளது. இந்த டர்போ மாடல் இனி ரூ.7.29 லட்சம் முதல் ரூ.9.75 லட்சம் வரையிலான எக்ஸ்ஷோரூம் விலையில் கிடைக்கும்.
Nissan Magnite | New Prices | Old Prices | Price Hike |
XL Turbo | ₹7.29 Lakh | ₹6.99 Lakh | ₹30,000 |
XV Turbo | ₹7.98 Lakh | ₹7.82 Lakh | ₹16,000 |
XV Turbo Premium O | ₹8.85 Lakh | ₹8.59 Lakh | ₹26,000 |
XL Turbo CVT | ₹8.19 Lakh | ₹7.89 Lakh | ₹30,000 |
XV Turbo CVT | ₹8.88 Lakh | ₹8.72 Lakh | ₹16,000 |
XV Premium CVT O | ₹9.75 Lakh | ₹9.49 Lakh | ₹26,000 |
கடந்த மார்ச் 2ந் தேதி முதல் இந்த விலை உயர்வு அமலுக்கு வருவதாக தெரிவிக்கப்படுகிறது. ஏற்கனவே புக்கிங் செய்தவர்களுக்கு இந்த விலை உயர்வால் எந்த பிரச்னையும் இல்லை. புதிதாக முன்பதிவு செய்வோர் இந்த புதிய விலையிலேயே வாங்க முடியும்.