2021ல் விற்பனைக்கு பெற முடியாத கார்கள் இவைதான்!! அச்சச்சோ.. இதையெல்லாம் தவறவிட்டோமா?!

ரெனால்ட் கேப்சர் எஸ்யூவி

பிஎஸ்6 தரத்திற்கு தயாரிப்பு நிறுவனத்தினால் அப்கிரேட் செய்யப்படாததால் விற்பனை நிறுத்தப்பட்ட கார்களுள் ரெனால்ட் கேப்சர் எஸ்யூவி காரும் ஒன்று. மிக சமீபத்தில் 2017ல்தான் அறிமுகம் செய்யப்பட்ட இந்த எஸ்யூவி கார் மாருதி எஸ்-க்ராஸ், நிஸான் கிக்ஸ், கியா செல்டோஸ் கார்களை விற்பனை நிறுத்தப்படும் வரையில் விற்பனையில் போட்டியாக இருந்து வந்தது.

இவ்வாறான ஜாம்பவான் நிறுவனங்களது தயாரிப்புகளின் முன் நிற்க முடியவில்லையோ என்னமோ தெரியவில்லை, ஆரம்பத்தில் இருந்தே விற்பனையில் இந்த ரெனால்ட் கார் சோபிக்கவில்லை. இவ்வளவு மோசமான வரவேற்பு வேறெந்த ரெனால்ட் காருக்கும் கூட கிடைவில்லை என்றுதான் சொல்ல வேண்டும்.

ஆனால் மற்ற நாட்டு சந்தைகளில் நல்ல வரவேற்பே இந்த பிரிட்டிஷ் கார் நிறுவனத்தின் எஸ்யூவி காருக்கு கிடைக்கிறது. அத்தகைய நாடுகளுள் ஒன்றான ரஷ்யாவில் 2020ஆம் ஆண்டிற்கான கேப்சர் அறிமுகம் செய்யப்பட்டுள்ளது. அதேநேரம் இந்தியாவில் இதன் விற்பனை நிறுத்தப்பட்டுள்ளது.

நிஸான் சன்னி செடான்

2011ல் இருந்து நிஸான் நிறுவனத்தின் செடான் காரான சன்னி இந்தியாவில் விற்பனையில் இருந்தது. அதன்பின் 2017ல் புதிய தலைமுறை அப்கிரேடை பெற்றிருந்த நிஸான் சன்னி காரில் 1.5 லிட்டர் பெட்ரோல் மற்றும் 1.5 லிட்டர் டீசல் என்ற இரு என்ஜின் தேர்வுகள் வழங்கப்பட்டன.

ஹோண்டா பிஆர்-வி எஸ்யூவி

பிஆர்-வி எஸ்யூவி காரின் விற்பனை நிறுத்தத்துடன் ஹோண்டா நிறுவனம் அதன் வணிகத்தை இந்த 2021ல் இந்தியாவில் துவங்கவுள்ளது. ஏனெனில் இந்த கார் இன்னும் பிஎஸ்6 தரத்திற்கு அப்கிரேட் செய்யப்படவில்லை.

2015ஆம் ஆண்டின் இறுதியில் இந்தியாவில் அறிமுகப்படுத்தப்பட்ட ஹோண்டா பிஆர்-வி 2016ஆம் ஆண்டு மே மாதத்தில் இருந்து விற்பனைக்கு வந்தது. 2019ல் 2,857 யூனிட்கள் விற்பனையாகி இருந்த இந்த ஹோண்டா எஸ்யூவி கார் கடந்த 2018ல் 7,140 யூனிட்கள் விற்பனை செய்யப்பட்டுள்ளது.

மற்ற நாட்டு சந்தைகளில் ஹோண்டா பிஆர்-வி 5-இருக்கை மற்றும் 7-இருக்கை தேர்வுகளில் கிடைக்கிறது. ஆனால் இந்தியாவில் இந்த கார் 7-இருக்கை அமைப்பில் மட்டும்தான் கிடைத்தது. இதுவே இந்த ஹோண்டா கார் வாடிக்கையாளர்களை கவராததற்கு முக்கிய காரணம் எனலாம்.

நிஸான் மைக்ரா ஹேட்ச்பேக்

நிஸான் நிறுவனத்தின் மைக்ரா ஹேட்ச்பேக் கார் அறிமுகம் செய்யப்பட்டு பல ஆண்டுகளாகி விட்டன. நமக்கு தெரிந்தவரை 2014ல் ஆயுட்காலத்தை சிறிது அதிகப்படுத்தும் விதமாக ஃபேஸ்லிஃப்ட் அப்கிரேடை பெற்றிருந்த இந்த நிஸான் கார் முழு-ஃபேஸ்லிஃப்ட் அப்கிரேடை 2017ல் பெற்றது.

ஹூண்டாய் எக்ஸ்சென்ட்

தென்கொரியாவை சேர்ந்த ஹூண்டாய் மோட்டார்ஸ் நிறுவனம் அதன் இந்திய இணையத்தள பக்கத்தில் இருந்து அதன் சப்-4 மீட்டர் செடான் காரான எக்ஸ்சென்ட்டின் பெயரை நீக்கியுள்ளது.

இதற்கு மாற்றாக அவ்ரா செடான் காரை 2020ஆம் ஆண்டின் துவக்கத்தில் ஹூண்டாய் நிறுவனம் அறிமுகப்படுத்தினாலும், உண்மையாக இரண்டாம் தலைமுறை ஹூண்டாய் ஐ10 (கிராண்ட் ஐ10) கார் கொடுத்த ஆறுதல் பங்களிப்பே எக்ஸ்சென்ட் காரின் விற்பனை நிறுத்தத்தை மேற்கொள்ள ஹூண்டாய் நிறுவனத்திற்கு தைரியத்தை கொடுத்தது என சொல்ல வேண்டும்.

பிஎஸ்6 தரத்திற்கு இணக்கமான 1.2 லிட்டர் பெட்ரோல் மற்றும் 1.2 லிட்டர் டீசல் என்ற இரு விதமான என்ஜின் தேர்வுகளில் விற்பனை செய்யப்பட்ட இந்த ஹூண்டாய் காம்பெக்ட் செடான் கார் 5-ஸ்பீடு என்ற ஒற்றை ட்ரான்ஸ்மிஷன் தேர்வுடன் வழங்கப்பட்டது.