2021 டொயோட்டா இன்னோவா க்ரிஸ்டா காரின் தோற்றம் இவ்வாறுதான் இருக்கும்!! இணையத்தில் கசிந்த தகவல்

இந்தியாவில் டொயோட்டா இன்னோவா க்ரிஸ்டா ஃபேஸ்லிஃப்ட் கார் வரும் நாட்களில் அறிமுகப்படுத்தப்படவுள்ளது. இதனால் இந்த ஃபேஸ்லிஃப்ட் காரின் சில யூனிட்கள் டீலர்ஷிப் ஷோரூம்களின் வளாகங்களை சென்றடைய துவங்கியுள்ளன.

இதற்கிடையில் தான் தற்போது இன்னோவா ஃபேஸ்லிஃப்ட்டின் வெளிப்புற மற்றும் உட்புற அப்டேட்கள் கார்வாலே செய்திதளம் மூலமாக கிடைத்துள்ளன. இதுதொடர்பான படங்களின் மூலமாக முன்பக்கத்தில் இந்த டொயோட்டா கார் ஃபேஸ்லிஃப்ட் அப்கிரேட்-ஆக பியானோ கருப்பு நிறத்தில் ட்ரெப்சாய்டல் தோற்றத்தில் க்ரில் அமைப்பை பெற்றுள்ளதை அறிய முடிகிறது.

க்ரில்லின் மூன்று பக்கங்களிலும் க்ரோம் பார்டர் உள்ளது. க்ரில்லிற்கு இரு முனைகளிலும் புதிய ஹெட்லைட் செட்அப் இந்த படங்களில் காட்சியளிக்கிறது. அதேபோல் முன்பக்க பம்பரும் அடிப்பகுதியில் ஃபாக் விளக்குகள் மற்றும் இரு முனைகளிலும் இண்டிகேட்டர் விளக்குகளுடன் மறுவேலை செய்யப்பட்டுள்ளது.

மற்றப்படி காரின் பக்கவாட்டு மற்றும் பின்புற பகுதிகளில் பெரிய அளவில் எந்த மாற்றமும் கொண்டுவரப்படவில்லை. பக்கவாட்டில் கவனிக்கத்தக்க அப்கிரேட் என்று பார்த்தால் புதிய டிசைனில் 16 இன்ச்சில் டைமண்ட்-கட் அலாய் சக்கரங்களை சொல்லலாம்.

உட்பக்க கேபின் ஆனது அப்டேட்டாக புதிய 9-இன்ச் இன்ஃபோடெயின்மெண்ட் சிஸ்டத்தை ஏற்றுள்ளது. இது தற்போது ஆப்பிள் கார்ப்ளே மற்றும் ஆண்ட்ராய்டு ஆட்டோ வசதி கொண்டதாக கொண்டுவரப்பட்டுள்ளது. இருக்கைகள் புதிய கோல்டன் நிற லெதரால் வடிவமைக்கப்பட்டுள்ளன.

இவற்றுடன் டாப் வேரியண்ட்கள் காற்று சுத்திகரிப்பானையும் பெற்றுவரவுள்ளதாக தகவல்கள் கூறுகின்றன. இன்னோவா க்ரிஸ்டா ஃபேஸ்லிஃப்ட் ஜி, ஜி+, ஜிஎக்ஸ், விஎக்ஸ் மற்றும் இசட்எக்ஸ் என்ற ஐந்து வேரியண்ட்களில் சந்தைப்படுத்தப்படவுள்ளது.

இயக்க ஆற்றல் வழங்குவதற்கு பிஎஸ்6 தரத்திலான 2.4 லிட்டர் டீசல் மற்றும் 2.7 லிட்டர் பெட்ரோல் என்ஜின்களை தேர்வுகளாக 2021 இன்னோவா க்ரிஸ்ட்டாவில் டொயோட்டா நிறுவனம் வழங்கவுள்ளது. இந்த இரு என்ஜின்களுடனும் ட்ரான்ஸ்மிஷன் தேர்வுகளாக 5-ஸ்பீடு மேனுவல் மற்றும் ஆட்டோமேட்டிக் கியர்பாக்ஸ் வழங்கப்படும்.

க்ரிஸ்டா ஃபேஸ்லிஃப்ட் தற்போதைய இன்னோவாவை காட்டிலும் ரூ.30,000- ரூ.60,000 வரையில் அதிகப்படியான விலையினை பெறும் என எதிர்பார்க்கப்படுகிறது. ஏற்கனவே கூறியதுதான், 2021 டொயோட்டா இன்னோவாவின் அறிமுகம் வரும் நாட்களில் இருக்கும்.