Just In
- 2 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 3 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 3 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 4 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
இந்தியாவில் அதுக்குள்ள இவ்ளோ செல்டோஸ் கார்கள் விற்பனை ஆயிருச்சா! இதையெல்லாம் நம்பவே முடியலயே!
கியா செல்டோஸ் கார் இந்தியாவில் விற்பனையில் புதிய மைல்கல் ஒன்றை கடந்துள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
இந்தியாவில் மிகவும் பிரபலமாக உள்ள கியா கார்களில் ஒன்று செல்டோஸ் (Kia Seltos). இது மிட்-சைஸ் எஸ்யூவி ரகத்தை சேர்ந்த கார் ஆகும். இதுதான் இந்திய சந்தையில் கியா நிறுவனம் விற்பனைக்கு அறிமுகம் செய்த முதல் கார். இந்த சூழலில், இந்தியாவில் 3 லட்சம் செல்டோஸ் கார்களை விற்பனை செய்துள்ளதாக கியா இந்தியா நிறுவனம் தற்போது அறிவித்துள்ளது.
இத்தனைக்கும் வெறும் 3 ஆண்டுகளுக்கு உள்ளாக கியா செல்டோஸ் கார் இந்த மைல்கல்லை எட்டியுள்ளது. கியா செல்டோஸ் கார், இந்திய சந்தையில் கடந்த 2019ம் ஆண்டு ஆகஸ்ட் மாதம் 22ம் தேதிதான் விற்பனைக்கு அறிமுகம் செய்யப்பட்டது. விற்பனைக்கு அறிமுகம் செய்யப்பட்டு இன்னும் 3 ஆண்டுகள் கடந்துள்ள கூட முழுமையாக முடிவடையாத நிலையில், இந்தியாவில் 3 லட்சம் கியா செல்டோஸ் கார்கள் விற்பனை செய்யப்பட்டுள்ளன.
அதாவது சராசரியாக ஒரு ஆண்டுக்கு 1 லட்சம் செல்டோஸ் கார்களை கியா நிறுவனம் இந்தியாவில் விற்பனை செய்துள்ளது. நாங்கள் ஏற்கனவே கூறியபடி செல்டோஸ்தான், இந்தியாவில் கியா நிறுவனம் விற்பனைக்கு அறிமுகம் செய்த முதல் கார். இந்த முதல் தயாரிப்பே இந்தியாவில் கியா நிறுவனத்திற்கு வலுவான அடித்தளத்தை அமைத்து கொடுத்துள்ளது.
இந்தியாவில் தற்போதைய நிலையில் செல்டோஸ், கார்னிவல், சொனெட், கேரன்ஸ் மற்றும் இவி6 ஆகிய 5 கார்களை கியா நிறுவனம் விற்பனை செய்து வருகிறது. ஆனால் இந்தியாவில் விற்பனை செய்யப்படும் ஒட்டுமொத்த கியா கார்களின் எண்ணிக்கையில், செல்டோஸ் எஸ்யூவியின் பங்களிப்பு மட்டும் சுமார் 60 சதவீதத்திற்கும் நெருக்கமாக உள்ளது.
இந்தியாவில் மட்டுமல்லாது, வெளிநாடுகளிலும் கியா செல்டோஸ் காருக்கு நல்ல வரவேற்பு உள்ளது. கியா இந்தியா நிறுவனத்தின் தொழிற்சாலை ஆந்திர மாநிலம் அனந்த்ப்பூர் பகுதியில் அமைந்துள்ளது (கியா இந்தியா நிறுவனத்தின் தொழிற்சாலை முதலில் தமிழகத்திற்கு வருவதாக இருந்தது வேறு கதை). இங்கிருந்து தற்போது வரை 90 நாடுகளுக்கும் மேலாக, 1 லட்சத்திற்கும் மேற்பட்ட கியா செல்டோஸ் கார்கள் ஏற்றுமதி செய்யப்பட்டுள்ளன.
இதற்கிடையே கியா நிறுவனம் இந்திய சந்தையில் வெகு சமீபத்தில் ஒட்டுமொத்தமாக 5 லட்சம் கார்கள் விற்பனை என்ற மைல்கல்லை கடந்திருந்தது. இதில், கியா செல்டோஸ் கார்களின் பங்களிப்பு, நாங்கள் ஏற்கனவே கூறியபடி, கிட்டத்தட்ட 60 சதவீதமாக உள்ளது. இந்தியாவில் கியா செல்டோஸ் கார், ஹூண்டாய் க்ரெட்டா, ஃபோக்ஸ்வேகன் டைகுன், ஸ்கோடா குஷாக் போன்ற கார்களுடன் போட்டியிட்டு வருகிறது.
ஆனால் வெகு விரைவில் கியா செல்டோஸ் காருக்கு போட்டி மிக கடுமையாக அதிகரிக்கவுள்ளது. இது கியா செல்டோஸ் காருக்கான போட்டி மட்டுமல்ல. இந்த செக்மெண்ட்டில் உள்ள மற்ற அனைத்து கார்களுக்குமே போட்டி அதிகரிக்கவுள்ளது. இதற்கு காரணம் டொயோட்டா அர்பன் க்ரூஸர் ஹைரைடர் மற்றும் மாருதி சுஸுகி கிராண்ட் விட்டாரா ஆகிய கார்கள் ஆகும்.
டொயோட்டா அர்பன் க்ரூஸர் மற்றும் மாருதி சுஸுகி கிராண்ட் விட்டாரா ஆகிய இரண்டு மிட்-சைஸ் எஸ்யூவி கார்களும் ஏற்கனவே பொது பார்வைக்கு கொண்டு வரப்பட்டு விட்டன. இதில், டொயோட்டா அர்பன் க்ரூஸர் ஹைரைடர் கார் வரும் ஆகஸ்ட் 16ம் தேதி அதிகாரப்பூர்வமாக விற்பனைக்கு அறிமுகம் செய்யப்படவுள்ளது. இதை தொடர்ந்து, மாருதி சுஸுகி கிராண்ட் விட்டாரா கார் விற்பனைக்கு வரவுள்ளது.
இந்த 2 கார்களின் விலையும் இன்னும் அறிவிக்கப்படவில்லை. ஆனால் அதற்கு முன்னதாகவே மாருதி சுஸுகி கிராண்ட் விட்டாரா காருக்கு 33 ஆயிரத்திற்கும் மேற்பட்ட முன்பதிவுகள் குவிந்துள்ளதாக தகவல்கள் வெளியாகியுள்ளன. விலை மட்டும் சரியாக நிர்ணயம் செய்யப்பட்டால், மாருதி சுஸுகி கிராண்ட் விட்டாரா கார் விற்பனையில் மிகப்பெரிய சாதனையை படைப்பதற்கான வாய்ப்புகள் உள்ளன.
இது மாருதி சுஸுகி நிறுவனத்தின் கார் என்பதால், வாடிக்கையாளர்களுக்கு ஏற்ற சரியான விலை நிர்ணயம் செய்யப்படுவதற்கான வாய்ப்புகள் அதிகம். டொயோட்டா அர்பன் க்ரூஸர் ஹைரைடர் மற்றும் மாருதி சுஸுகி கிராண்ட் விட்டாரா ஆகிய 2 கார்களும் விற்பனைக்கு வந்த பின்னர், இந்தியாவின் மிட்-சைஸ் எஸ்யூவி செக்மெண்ட்டில் போட்டி அனல் பறக்கும் என்பதில் சந்தேகமில்லை.
-
இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
-
இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
-
உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!