Just In
- 1 hr ago சாதா கிளாஸ் டிக்கெட்டை வாங்கிட்டு முதல் வகுப்பில் பயணிக்கனுமா!! விமான பணி பெண் சொல்லும் மூன்று ரகசிய வழிகள்!
- 6 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 6 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 7 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
Don't Miss!
- News வெள்ளிக்கிழமை இதை மட்டும் யாருக்கும் தராதீங்க.. எந்தெந்த பொருளை வெள்ளி கிழமை தானம் தரலாம் தெரியுமா?
- Technology இனி Signal Weak சிக்கலே இருக்காது.. மொபைல் Settings-ல இதை பண்ணா போதும்.. இன்டர்நெட் ஸ்பீட் சும்மா பிச்சிக்கும்
- Finance வேலைக்கு சேர்ந்த 6 மாசத்திலேயே ரிசைன்.. அனல் பறக்கும் விவாதம்..!
- Lifestyle Today Rasi Palan 26 April 2024: இன்று இந்த ராசிக்காரர்கள் வேலை மாற்றத்தைப் பற்றி யோசிக்காமல் இருப்பது நல்லது..
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
மீண்டும் ஒரு ஆடம்பர பைக்கை வாங்கிய ஜக்கி வாசுதேவ்... விலை எவ்வளவு என தெரிந்தால் கோவப்படுவீர்கள்...
ஜக்கி வாசுதேவ் மீண்டும் ஒரு விலை உயர்ந்த ஆடம்பர பைக்கை வாங்கியுள்ளார். இதன் விலை எவ்வளவு என தெரிந்தால் நீங்கள் கோவப்படக்கூடும்.
தமிழகத்தில் மிகவும் பிரபலமான ஆன்மீகவாதிகளில் ஒருவராக திகழ்ந்து வருபவர் சத்குரு ஜக்கி வாசுதேவ். தமிழகம் கடந்து இந்தியா முழுவதும் புகழ்பெற்ற நபர்களில் ஒருவராக சத்குரு ஜக்கி வாசுதேவ் உள்ளார். ஆனால் இவருக்கு ஆதரவும், எதிர்ப்பும் ஒரு சேர உள்ளது என்பது குறிப்பிடத்தக்கது.
கோவையில் உள்ள ஈஷா யோகா மையத்தில், 112 அடி உயர ஆதி யோகி சிலை அமைக்கப்பட்ட சமயத்தில், சத்குரு ஜக்கி வாசுதேவ் சர்ச்சைகளில் சிக்கினார். ஏனெனில் காடுகளை அழித்து ஆதி யோகி சிலை அமைக்கப்பட்டதாக குற்றச்சாட்டு எழுந்தது.
அத்துடன் ஆதி யோகி சிலை அமைக்கப்பட்டதில் விதிமுறைகள் மீறப்பட்டதாகவும் புகார்கள் கூறப்பட்டன. இப்படி பல்வேறு சர்ச்சைகளுக்கு மத்தியில், பிரதமர் நரேந்திர மோடிதான் ஆதி யோகி சிலையை திறந்து வைத்தார் என்பது குறிப்பிடத்தக்கது.
இதன்மூலம் அதிகார மட்டத்திலும் தனக்கு செல்வாக்கு இருப்பதை நிரூபித்த ஜக்கி வாசுதேவ் பைக் பிரியர் ஆவார். மோட்டார் சைக்கிள்கள் மீது அவருக்கு அதீத ஆர்வம் உண்டு. அத்துடன் மோட்டார் சைக்கிள்களில் நீண்ட தூர பயணங்களை மேற்கொள்வதிலும் அவர் ஆர்வம் காட்டக்கூடியவர்.
ஜக்கி வாசுதேவிடம் விலை உயர்ந்த டுகாட்டி பைக் ஒன்று இருப்பதே அதற்கு சாட்சி. இந்த சூழலில், தற்போது மீண்டும் ஒரு டுகாட்டி பைக்கை அவர் வாங்கியுள்ளார். இம்முறை அவர் வாங்கியிருப்பது டுகாட்டி மல்டிஸ்ட்ராடா 1260 (Ducati Multistrada 1260) ஆகும்.
டுகாட்டி நிறுவனத்தின் மல்டிஸ்ட்ராடா மாடல் பைக்குகள் மிகவும் விலை உயர்ந்தவை. இப்படிப்பட்ட சூழலில், ஜக்கி வாசுதேவ் வாங்கியிருப்பது வழக்கமான மல்டிஸ்ட்ராடா பைக் கிடையாது என்பது குறிப்பிடத்தக்கது.
மல்டிஸ்ட்ராடா மோட்டார் சைக்கிள்களின் பைக்ஸ் பீக் எடிசன் (Pikes Peak Edition) என்ற ஸ்பெஷல் எடிசனைதான் ஜக்கி வாசுதேவ் வாங்கியுள்ளார். இந்த பைக்கிற்கான சாவியை, ஜக்கி வாசுதேவிடம் ஒப்படைத்த புகைப்படத்தை டுகாட்டி நிறுவனம் தற்போது வெளியிட்டுள்ளது.
நீண்ட தொலைவு பயணிக்க வேண்டும் என்ற ஆர்வம் உள்ளவர்களின் கனவு பைக்குகளில் ஒன்றாக டுகாட்டி மல்டிஸ்ட்ராடா 1260 பைக்ஸ் பீக் எடிசன் திகழ்கிறது. அப்படிப்பட்ட மோட்டார் சைக்கிளைதான் ஜக்கி வாசுதேவ் தற்போது தன்வசப்படுத்தியுள்ளார்.
மல்டிஸ்ட்ராடா 1260 பைக்ஸ் பீக் எடிசன் கடந்த ஆண்டு அறிமுகம் செய்யப்பட்டது. மல்டிஸ்ட்ராடா 1260 பைக்கின் ஸ்டாண்டர்டு வெர்ஷனில் இடம்பெற்றிருக்கும் அதே 1,262 சிசி, லிக்யூட் கூல்டு, எல்-டிவின் இன்ஜின்தான் பைக்ஸ் பீக் ஸ்பெஷல் எடிசனிலும் பொருத்தப்பட்டுள்ளது.
இந்த இன்ஜின் அதிகபட்சமாக 158 பிஎச்பி பவர் மற்றும் 129.5 என்எம் டார்க் திறனை வெளிப்படுத்தும் திறன் கொண்டது. என்றாலும் ஸ்டாண்டர்டு வெர்ஷனில் இல்லாத பல்வேறு சிறப்பம்சங்கள், பைக்ஸ் பீக் ஸ்பெஷல் எடிசனில் இடம்பெற்றுள்ளன.
எனவேதான் ஸ்டாண்டர்டு வெர்ஷனை ஒதுக்கி விட்டு, பைக்ஸ் பீக் ஸ்பெஷல் எடிசனை ஜக்கி வாசுதேவ் தேர்வு செய்திருப்பார் என கூறப்படுகிறது. டுகாட்டி மல்டிஸ்ட்ராடா 1260 பைக்ஸ் பீக் எடிசன் மோட்டார் சைக்கிளின் விலை 21.42 லட்ச ரூபாய் ஆகும்!!!
21.42 லட்ச ரூபாய் என்பது எக்ஸ் ஷோரூம் விலை மட்டுமே என்பது குறிப்பிடத்தக்கது. ஆன் ரோடு வருகையில் அதன் விலை இன்னும் அதிகரிக்கும். இதுதவிர ஸ்டாண்டர்டு வெர்ஷனை காட்டிலும், பைக்ஸ் பீக் ஸ்பெஷல் எடிசனின் விலை 5.43 லட்ச ரூபாய் அதிகம் என்பதும் கவனிக்கத்தக்கது.
ஆனால் பைக்ஸ் பீக் ஸ்பெஷல் எடிசன் மோட்டார் சைக்கிளின் எடை மிகவும் குறைவு. இதன் மொத்த எடை 229 கிலோ மட்டுமே. இந்த பைக்கில் ஜக்கி வாசுதேவ் இந்தியா முழுவதும் ஒரு சுற்றுப்பயணம் மேற்கொண்டாலும் ஆச்சரியப்படுவதற்கில்லை.
ஏனெனில் ஏற்கனவே குறிப்பிட்டபடி மோட்டார் சைக்கிள்களில் நீண்ட தூர பயணம் மேற்கொள்வதை ஜக்கி வாசுதேவ் மிகவும் விரும்ப கூடியவர். கடந்த சில மாதங்களுக்கு முன், டுகாட்டி டெசர்ட் ஸ்லெட் ஸ்கிராம்ப்ளர் பைக்கில், யோகா குரு பாபா ராம்தேவ் உடன் ஜக்கி வாசுதேவ் உலா வந்தார்.
பாபா ராம்தேவ் பின்னால் அமர்ந்து கொள்ள ஜக்கி வாசுதேவ் பைக்கை ஓட்டி சென்றார். பேஸ்புக், வாட்ஸ் அப் மற்றும் டிவிட்டர் உள்ளிட்ட சமூக வலை தளங்களில் அப்போது வைரலாக பரவிய அந்த வீடியோவை நீங்கள் கீழே காணலாம்.
ஜக்கி வாசுதேவ் தனது கல்லூரி நாட்களில் யமஹா ஆர்டி350 பைக்கை வைத்திருந்ததாக முன்பு ஒரு முறை குறிப்பிட்டுள்ளார். ஆனால் இன்று டுகாட்டி போன்ற மிகவும் விலை உயர்ந்த பைக்குகளை அவர் வாங்க தொடங்கி விட்டார். காலம் மாறி விட்டதையே இது உணர்த்துகிறது.
-
இந்த காரை எத்தன பேரு தங்களுக்கு பிடிச்சவங்களுக்கு பரிசா கொடுக்க போறாங்களோ! அஸ்டன் மார்ட்டின் வேன்டேஜ் அறிமுகம்
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!