Just In
- 2 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 2 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 3 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 4 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
2 மாதத்தில் 2வது முறையாக பைக்குகளின் விலையை உயர்த்திய ராயல் என்பீல்டு... எவ்ளோனு தெரிஞ்சா ஆடிப்போயிருவீங்க!
ராயல் என்பீல்டு நிறுவனம் 2 மாதத்தில் 2வது முறையாக பைக்குகளின் விலையை மீண்டும் உயர்த்தியுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
ராயல் என்பீல்டு நிறுவனம் கடந்த ஜூலை மாதம் தனது பைக்குகளின் விலையை உயர்த்தியது. அப்போது மீட்டியோர் 350 பைக்கின் ஃபயர்பால், ஸ்டெல்லர் மற்றும் சூப்பர்நோவா ஆகிய 3 வேரியண்ட்களின் விலையும் அதிரடியாக உயர்த்தப்பட்டது. ஃபயர்பால் வேரியண்ட்டின் விலை 7,790 ரூபாய் உயர்ந்த நிலையில், ஸ்டெல்லர் வேரியண்ட்டின் விலை 8,020 ரூபாய் உயர்ந்தது.
அதே சமயம் சூப்பர்நோவா வேரியண்ட்டின் விலை 8,405 ரூபாய் உயர்த்தப்பட்டது. இந்த சூழலில், ராயல் என்பீல்டு நிறுவனம் மீண்டும் ஒரு முறை விலையை உயர்த்தியுள்ளது. புதிய தலைமுறை கிளாசிக் 350 பைக் கடந்த சில நாட்களுக்கு முன்பு விற்பனைக்கு அறிமுகம் செய்யப்பட்ட நிலையில், இந்த விலை உயர்வு அமலுக்கு வந்துள்ளது குறிப்பிடத்தக்கது.
இதன்படி ராயல் என்பீல்டு மீட்டியோர் 350 பைக்கின் விலை தற்போது 7,000 ரூபாய் உயர்ந்துள்ளது. எனவே மீட்டியோர் 350 பைக்கின் ஃபயர்பால் வேரியண்ட்டின் விலை தற்போது 1.99 லட்ச ரூபாய் ஆகவும், ஸ்டெல்லர் வேரியண்ட்டின் விலை 2.05 லட்ச ரூபாய் ஆகவும், சூப்பர்நோவா வேரியண்ட்டின் விலை 2.15 லட்ச ரூபாயாகவும் உள்ளது. இவை அனைத்தும் எக்ஸ் ஷோரூம் விலையாகும்.
அதே நேரத்தில் 2021 ராயல் என்பீல்டு ஹிமாலயன் பைக் நடப்பாண்டு அறிமுகம் செய்யப்பட்டது. இந்த பைக்கின் விலை கடந்த ஜூலை மாதம் 4,617 ரூபாய் உயர்த்தப்பட்டது. இதை தொடர்ந்து ராயல் என்பீல்டு ஹிமாலயன் பைக்கின் விலை இம்முறை 5 ஆயிரம் ரூபாய் உயர்த்தப்பட்டுள்ளது. தற்போது இந்த பைக்கின் புதிய விலை 2.10 லட்ச ரூபாய் முதல் 2.18 லட்ச ரூபாயாக உள்ளது.
இவையும் எக்ஸ் ஷோரூம் விலை என்பது குறிப்பிடத்தக்கது. சுமார் 2 மாத காலத்திற்கு உள்ளாக ராயல் என்பீல்டு ஹிமாலயன் பைக்கின் விலை சுமார் 10 ஆயிரம் ரூபாய் உயர்ந்துள்ளது. இதே கால இடைவெளியில் ராயல் என்பீல்டு மீட்டியோர் 350 பைக்கின் விலை சுமார் 15 ஆயிரம் ரூபாய் உயர்த்தப்பட்டுள்ளது. இந்த விலை உயர்வு வாடிக்கையாளர்களை கவலையடைய செய்துள்ளது.
ராயல் என்பீல்டு மீட்டியோர் 350 பைக்கில், 349 சிசி, சிங்கிள்-சிலிண்டர், ஏர் மற்றும் ஆயில் கூல்டு, ஃப்யூயல்-இன்ஜெக்டட் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 6,100 ஆர்பிஎம்மில் 20.2 பிஹெச்பி பவரையும், 4,000 ஆர்பிஎம்மில் 27 என்எம் டார்க் திறனையும் உருவாக்கும். இந்த இன்ஜின் உடன் 5 ஸ்பீடு கியர்பாக்ஸ் இணைக்கப்பட்டுள்ளது.
ராயல் என்பீல்டு மீட்டியோர் 350 பைக்கின் முன் பகுதியில் 300 மிமீ டிஸ்க் பிரேக்கும், பின் பகுதியில் 270 மிமீ டிஸ்க் பிரேக்கும் வழங்கப்பட்டுள்ளன. அத்துடன் ட்யூயல் சேனல் ஏபிஎஸ் பிரேக் சிஸ்டம் ஸ்டாண்டர்டாக வழங்கப்படுகிறது. ராயல் என்பீல்டு மீட்டியோர் 350 பைக்கிற்கு தற்போது இந்திய வாடிக்கையாளர்கள் மத்தியில் நல்ல வரவேற்பு கிடைத்து வருகிறது.
மறுபக்கம் ராயல் என்பீல்டு ஹிமாலயன் பைக்கில், 411 சிசி, சிங்கிள்-சிலிண்டர், எஸ்ஓஹெச்சி, ஏர்-கூல்டு எலெக்ட்ரானிக் ஃப்யூயல்-இன்ஜெக்டட் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 24.3 பிஹெச்பி பவரையும், 32 என்எம் டார்க் திறனையும் உருவாக்க கூடியது. ராயல் என்பீல்டு ஹிமாலயன் பைக்கிற்கும் இந்திய வாடிக்கையாளர்கள் மத்தியில் நல்ல வரவேற்பு இருந்து வருகிறது.
ராயல் என்பீல்டு நிறுவனம் வெகு சமீபத்தில்தான் கிளாசிக் 350 பைக்கின் புதிய தலைமுறை மாடலை விற்பனைக்கு அறிமுகம் செய்தது. இந்த பைக்கின் டெலிவரி பணிகளும் தற்போது உடனடியாக தொடங்கப்பட்டுள்ளன. எனவே புதிய தலைமுறை கிளாசிக் 350 பைக்கின் வருகைக்காக காத்திருந்த வாடிக்கையாளர்கள் உற்சாகம் அடைந்துள்ளனர்.
பழைய தலைமுறை மாடல் உடன் ஒப்பிடுகையில் புதிய தலைமுறை கிளாசிக் 350 பல்வேறு விதங்களிலும் மேம்பட்டதாக உள்ளது. இந்திய சந்தையில் இந்த பைக்கின் விற்பனை ஏற்கனவே சிறப்பாகதான் இருந்து வருகிறது. 350 சிசி செக்மெண்ட்டில் ராயல் என்பீல்டு நிறுவனத்தின் ஆதிக்கத்தை இந்த பைக்தான் தொடர்ந்து நிலைநாட்டி வருகிறது.
எனினும் ஹோண்டா ஹைனெஸ் சிபி 350 போன்ற புதிய போட்டியாளர்களின் வருகையால், அதனை இன்னும் சிறப்பாக எதிர்கொள்வதற்காக, கிளாசிக் 350 பைக்கின் புதிய தலைமுறை மாடலை ராயல் என்பீல்டு நிறுவனம் விற்பனைக்கு கொண்டு வந்துள்ளது. எனவே வரும் காலங்களில் ராயல் என்பீல்டு கிளாசிக் 350 பைக்கின் விற்பனை முன்பை விட இன்னும் அதிகமாகும் என கணிக்கப்பட்டுள்ளது.
-
இந்த காரை எத்தன பேரு தங்களுக்கு பிடிச்சவங்களுக்கு பரிசா கொடுக்க போறாங்களோ! அஸ்டன் மார்ட்டின் வேன்டேஜ் அறிமுகம்
-
இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
-
குடும்பத்தோட போகலாம்னு சொல்றாங்களே இந்த கார் பாதுகாப்பானதா இருக்குமா? மோதல் ஆய்வுல வச்சு செஞ்சிருக்காங்க!