எம்ஜி குலோஸ்டர்

எம்ஜி குலோஸ்டர் வெளிப்புற மற்றும் உட்புற டிசைன்

இந்திய பிரிமீயம் எஸ்யூவி மார்க்கெட்டில் க்ளோஸ்ட்டர் என்ற புதிய எஸ்யூவி மாடலை எம்ஜி மோட்டார் களமிறக்கி உள்ளது. அதிநவீன தொழில்நுட்ப அம்சங்கள், பிரம்மாண்டத் தோற்றத்துடன் இந்த புதிய எஸ்யூவி இந்தியர்களின் கவனத்தை ஈர்த்துள்ளது.

புதிய எம்ஜி க்ளோஸ்ட்டர் எஸ்யூவியில் மூன்று பட்டைகள் மற்றும் எம்ஜி லோகோ கொண்ட கம்பீரமான க்ரில் அமைப்பு இடம்பெற்றுள்ளது. இருபுறத்திலும் எல்இடி ஹெட்லைட்டுகள், எல்இடி பகல்நேர விளக்குகள் வசீகரிக்கின்றன. இந்த எஸ்யூவியின் பம்பரில் பனி விளக்குகள் மற்றும் கீழ்பாகத்தில் சில்வர் வண்ண பூச்சுடன் ஸ்கிட் பிளேட் கொடுக்கப்பட்டுள்ளது.

இந்த புதிய க்ளோஸ்ட்டர் எஸ்யூவியில் 19 அங்குல மல்டி ஸ்போக் அலாய் வீல்கள் பொருத்தப்பட்டுள்ளன. பெரிய ஜன்னல்கள், ஜன்னல்களை சுற்றிலும் க்ரோம் பீடிங் அலங்காரம். சில்வர் வண்ண ரூஃப் ரெயில்கள் ஆகியவை இடம்பெற்றுள்ளன. எல்இடி டெயில் லைட்டுகள், பின்புற கதவில் க்ளோஸ்ட்டர் எழுத்துக்கள் பதிக்கப்பட்டு இருப்பதுடன் நான்கு குழல்கள் கொண்ட சைலென்சர் அமைப்பு இடம்பெற்றுள்ளது. பின்புறத்திலும் ஸ்கிட் பிளேட், பிரதிபலிப்பு பட்டை ஆகியவை இடம்பெற்றுள்ளன.

உட்புறத்தில் மிகவும் பிரிமீயமாக காட்சி தருகிறது. இந்த காரின் உட்புறத்தில் பல இடங்களில் லெதர் அப்ஹோல்ஸ்ட்ரியுடன் உள்ளது. மேலும், சாஃப்ட் டச் பிளாஸ்டிக் பாகங்களுடன் உன்னதமான உணர்வை தருகிறது. முழுமையான டிஜிட்டல் இன்ஸ்ட்ரூமென்ட் க்ளஸ்ட்டர், 10.25 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், ஐ-ஸ்மார்ட் கனெக்ட்டிவிட்டி தொழில்நுட்பம் ஆகியவையும் உள்ளது. முக்கிய அம்சமாக, இந்த காரில் 7 பயணிகளுக்கும் போதுமான இடவசதி சிறப்பாக உள்ளது.

எம்ஜி குலோஸ்டர் எஞ்சின் மற்றும் செயல்திறன்

புதிய எம்ஜி க்ளோஸ்ட்டர் எஸ்யூவியில் 2.0 லிட்டர் டீசல் எஞ்சின் பயன்படுத்தப்பட்டு இருக்கிறது. பேஸ் வேரியண்ட்டுகளில் இந்த எஞ்சின் அதிகபட்சமாக 160 பிஎச்பி பவரையும், 375 என்எம் டார்க் திறனையும் வழங்கும்.

டாப் வேரியண்ட்டுகளில் இதே எஞ்சின் 216 பிஎச்பி பவரையும், 480 என்எம் டார்க் திறனை வழங்கும் திறன் கொண்டதா இருக்கிறது. இரண்டிலுமே 8 ஸ்பீடு ஆட்டோமேட்டிக் கியர்பாக்ஸ் இணைக்கப்பட்டுள்ளது.

எம்ஜி குலோஸ்டர் மைலேஜ்

புதிய எம்ஜி க்ளோஸ்ட்டர் எஸ்யூவியில் 75 லிட்டர் கொள்திறன் கொண்ட எரிபொருள் கலன் கொடுக்கப்பட்டுள்ளது. இந்த எஸ்யூவியின் டீசல் எஞ்சின் மைலேஜ் விபரங்கள் அதிகாரப்பூர்வமாக வெளியிடப்படவில்லை. எனினும், நடைமுறையில் லிட்டருக்கு 8 கிமீ முதல் 14 கிமீ மைலேஜை வழங்கும் என எதிர்பார்க்கலாம்.

எம்ஜி குலோஸ்டர் முக்கிய அம்சங்கள்

புதிய எம்ஜி க்ளோஸ்ட்டர் எஸ்யூவியில் லெவல் 1 நிலையிலான தானியங்கி கார் தொழில்நுட்பம் உள்ளது. அடாப்டிவ் க்ரூஸ் கன்ட்ரோல் சிஸ்டம் மூலமாக இந்த கார் நெடுஞ்சாலைகளில் ஓட்டுனர் ஆசுவாசமாக ஓட்டுவதற்கான வாய்ப்பை வழங்கும். இரண்டாவது வரிசையில் கேப்டன் இருக்கைகள், வயர்லெஸ் சார்ஜர், க்ளைமேட் கன்ட்ரோல் ஏசி சிஸ்டம், வென்டிலேட்டட் இருக்கைகள், பனரோமிக் சன்ரூஃப் உள்ளிட்ட வசதிகள் உள்ளன. பாதுகாப்பு அம்சங்களிலும் மிகச் சிறப்பானதாக இருக்கிறது.

எம்ஜி குலோஸ்டர் தீர்ப்பு

புதிய எம்ஜி க்ளோஸ்ட்டர் எஸ்யூவி மிகவும் பிரம்மாண்டமான தோற்றத்தை பெற்றிருக்கிறது. சிறப்பான தொழில்நுட்ப வசதிகள், சக்திவாய்ந்த எஞ்சின், அதிக பாதுகாப்பு தொழில்நுட்பங்களுடன் மிக சரியான விலையில் கொண்டு வரப்பட்டுள்ளது. இதனால், இந்த பிரிமீயம் எஸ்யூவி கொடுக்கும் பணத்திற்கு மதிப்புவாய்ந்த தேர்வாக இருக்கிறது.