ரெனோ கைகர்

ரெனோ கைகர் வெளிப்புற மற்றும் உட்புற டிசைன்

இந்தியாவின் மிக குறைவான பட்ஜெட் கொண்ட சப்-காம்பேக்ட் எஸ்யூவி கார் மாடலாக ரெனோ கைகர் எஸ்யூவி விற்பனைக்கு அறிமுகம் செய்யப்பட்டுள்ளது. அருமையான டிசைன், எக்கச்சக்க வசதிகளுடன் வாடிக்கையாளர்களை வசீகரிக்கும் அம்சங்களை பெற்றிருக்கிறது.

புதிய ரெனோ கைகர் எஸ்யூவியில் எல்இடி ஹெட்லைட்டுகள், எலஇடி பகல்நேர விளக்குகள், 16 அங்குல டைமண்ட் கட் அலாய் வீல்கள், பாடி கிளாடிங் சட்டங்கள், எல்இடி டெயில் லைட்டுகளுடன் ரூஃப் ஸ்பாய்லரும் ஒரு நவீன யுக எஸ்யூவிக்கு உரிய தோற்றத்தை கொடுக்கின்றன.

ரெனோ கைகர் எஞ்சின் மற்றும் செயல்திறன்

புதிய ரெனோ கைகர் எஸ்யூவியில் பிஎஸ்-6 மாசு உமிழ்வு தரத்திற்கு இணையான இரண்டு பெட்ரோல் எஞ்சின் தேர்வுகள் வழங்கப்படுகின்றன. இதன் 1.0 லிட்டர் பெட்ரோல் எஞ்சின் தேர்வு அதிகபட்சமாக 70 பிஎச்பி பவரையும், 96 என்எம் டார்க் திறனையும் வழங்கும். 5 ஸ்பீடு மேனுவல் அல்லது ஏஎம்டி கியர்பாக்ஸ் தேர்வுகளில் கிடைக்கும்.

இதன் 1.0 லிட்டர் டர்போ பெட்ரோல் எஞ்சின் தேர்வானது அதிகபட்சமாக 97 பிஎச்பி பவரையும், 160 என்எம் டார்க் திறனையும் வெளிப்படுத்தும். 5 ஸ்பீடு மேனுவல் கியர்பாக்ஸ் அல்லது சிவிடி கியர்பாக்ஸ் தேர்வுகளில் புதிய ரெனோ கைகர் எஸ்யூவி கிடைக்கிறது.

இதன் 1.0 லிட்டர் டர்போ பெட்ரோல் எஞ்சின் தேர்வானது அதிகபட்சமாக 97 பிஎச்பி பவரையும், 160 என்எம் டார்க் திறனையும் வெளிப்படுத்தும். 5 ஸ்பீடு மேனுவல் கியர்பாக்ஸ் அல்லது சிவிடி கியர்பாக்ஸ் தேர்வுகளில் புதிய ரெனோ கைகர் எஸ்யூவி கிடைக்கிறது.

ரெனோ கைகர் மைலேஜ்

ரெனோ கைகர் எஸ்யூவியின் மைலேஜ் விபரங்கள் இல்லை. இந்த எஸ்யூவியின் பெட்ரோல் எஞ்சின் தேர்வுகள் லிட்டருக்கு 15 முதல் 18 கிமீ மைலேஜ் வரை கொடுக்கும் வாய்ப்பு இருக்கிறது.

ரெனோ கைகர் முக்கிய அம்சங்கள்

புதிய ரெனோ கைகர் எஸ்யூவியில் 8 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், ஆப்பிள் கார் ப்ளே மற்றும் ஆன்ட்ராய்டு ஆட்டோ செயலிகளை சப்போர்ட் செய்யும் வசதிகள் உள்ளன. வயர்லெஸ் சார்ஜர், ஆம்பியன்ட் லைட் சிஸ்டம், ஆட்டோமேட்டிக் க்ளைமேட் கன்ட்ரோல் சிஸ்டம், டிரைவிங் மோடுகள், க்ரூஸ் கன்ட்ரோல் சிஸ்டம், டிஜிட்டல் இன்ஸ்ட்ரூமென்ட் க்ளஸ்ட்டர், ஏர் பியூரிஃபயர் வசதிகள் உள்ளன.

ரெனோ கைகர் எஸ்யூவியில் 4 ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், சீட் பெல்ட் ரிமைன்டர், ரியர் பார்க்கிங் சென்சார்கள் கொடுக்கப்பட்டுள்ளன.

ரேடியண்ட் ரெட், கேப்சியன் புளூ, ஐஸ் கூல் ஒயிட், மூன்லைட் க்ரே, பிளானெட் க்ரே மற்றும் மெகோனி பிரவுன் ஆகிய வண்ணத் தேர்வுகளில் கிடைக்கும்.

ரெனோ கைகர் தீர்ப்பு

புதிய ரெனோ கைகர் எஸ்யூவி நிஸான் மேக்னைட், மாருதி விட்டாரா பிரெஸ்ஸா, டாடா நெக்ஸான், மஹிந்திரா எக்ஸ்யூவி300, கியா சொனெட், ஹூண்டாய் வெனியூ கார்களுடன் போட்டி போடுகிறது. சப்-காம்பேக்ட் எஸ்யூவி மார்க்கெட்டில் மிக குறைவான விலை தேர்வாகவும், போதுமான இடவசதி மற்றும் xசிறந்த அம்சங்களுடன வாடிக்கையாளர்களுக்கு கொடுக்கும் பணத்திற்கு மதிப்பு மிக்க தேர்வாக இருக்கும்.